吃吧 (僑建大廈)

營業中

休息中

星期日晚同男朋友黎吃吧吃起來。吃吧招牌拼盤有什菌酥盒、蘋果肝醬、三文魚莎莎、蟹肉牛油果、煙火腿蜜瓜。擺盤好精緻，好有食小點心既感覺，每樣細細件，作為第一道菜十分適合。慢煮甜酒燴和牛面頰先以慢煮既方式再燜佢，所以十分軟腍，非常出色，同底下既薯蓉一樣甘綿。德國咸豬手首先會係你面前著火，然後會幫你切件，方便進食。豬手以外仲有薯蓉同腸，薯蓉好綿滑。飲品方面好有特色，叫左曲奇朱古力奶昔同熱情果接骨木花茶。曲奇朱古力奶昔有打得好幼滑，無冰粒，曲奇味好出，仲有啲爆谷、oreo同cream，甜度又岩岩好，當係甜品都仲得。熱情果接骨木花茶好特別，用花樽裝住，仲有花插住。熱情果味幾出，幾清新。