影片
更多
2021-02-25
434 瀏覽
講起鋸扒，有間係銅鑼灣好受歡迎嘅flat iron steak一直都好想去試試佢，趁住新年同屋企人去咗沙田行街，咁啱發現原來呢間野係新城市廣場有分店😳 於是就入去try try，睇吓佢係咪真係咁好食🙈嗌扒嘅時候諗住加多份pasta食，點知新年期間就轉咗食蟹餅，加多$10，蟹餅上到黎只得一塊，有啲啲失望😥 不過好彩嘅係佢都尚算幾高身幾厚，食落口雖然有絲絲蟹肉，但整體都比較乾同鞋身，我自己對佢就麻麻地，覺得性價比有啲低，唔係幾推薦🙈由於第一次食，會想試吓佢啲特別野，見到佢呢一個寫住每日限定，於是就嗌咗，但因為店員講得太快，無聽清楚佢係咩部位🙈 份牛嗌咗medium，一上到黎個plating都唔錯，但食落口就真係有啲失望🥴，一黎舊牛好似overcook咗，肉質太韌了，要咬好耐下，二黎個配菜好怪，牛下面墊住一pat好似係日式牛肉飯嘅洋蔥，同個牛完全唔夾，而個炸洋蔥圈都腍腍地，最好食可以話係佢個沙律，overall成個菜式真係好麻麻😢另一份牛我地都同樣嗌咗medium，而佢嘅賣相就靚仔少少，明顯見到裏面係粉紅色嘅，但食落口成舊牛嘅外圍都係overcook咗，幾韌下，而內部嘅肉質就唔錯，都幾腍，而
嗌扒嘅時候諗住加多份pasta食，點知新年期間就轉咗食蟹餅，加多$10，蟹餅上到黎只得一塊，有啲啲失望😥 不過好彩嘅係佢都尚算幾高身幾厚，食落口雖然有絲絲蟹肉，但整體都比較乾同鞋身，我自己對佢就麻麻地，覺得性價比有啲低，唔係幾推薦🙈
蟹餅
$68
55 瀏覽
0 讚好
0 留言
由於第一次食，會想試吓佢啲特別野，見到佢呢一個寫住每日限定，於是就嗌咗，但因為店員講得太快，無聽清楚佢係咩部位🙈 份牛嗌咗medium，一上到黎個plating都唔錯，但食落口就真係有啲失望🥴，一黎舊牛好似overcook咗，肉質太韌了，要咬好耐下，二黎個配菜好怪，牛下面墊住一pat好似係日式牛肉飯嘅洋蔥，同個牛完全唔夾，而個炸洋蔥圈都腍腍地，最好食可以話係佢個沙律，overall成個菜式真係好麻麻😢
是日特別版招牌平鐵牛扒
$238
9 瀏覽
1 讚好
0 留言
另一份牛我地都同樣嗌咗medium，而佢嘅賣相就靚仔少少，明顯見到裏面係粉紅色嘅，但食落口成舊牛嘅外圍都係overcook咗，幾韌下，而內部嘅肉質就唔錯，都幾腍，而且有肉汁，但好可惜係一啲牛味都無😢 有幾下以為自己食緊呀媽平時煲完湯好腍嘅豬𦟌肉🤧 而佢個薯蓉就還好，都算幾creamy，但牛油味就欠奉，整體好過上一份牛，但都係覺得有失預期😟
美國390日穀飼Prime級平鐵牛扒
$268
14 瀏覽
1 讚好
0 留言
佢嗌每份扒都免費配咗薯條，而且係無限refill，只能說，成餐最好食應該就係佢個薯條😅，薯條上到黎熱辣辣，食落有鹽味之餘，仲有啲松露香，我估應該係落咗松露鹽，食完一條會想繼續食下一條，但都幾熱氣下，食完即生飛滋
薯條
14 瀏覽
0 讚好
0 留言
最後，我地仲嗌咗杯lemonade，其實飲落就好似係soda water再加咗啲咸柑桔咁，都係好一般，唔覺得特別好飲，一杯嘢飲以$45呢個價錢黎講，絕對可以有更加好嘅選擇🥲
Dirty Lemonade
$45
11 瀏覽
0 讚好
0 留言
總括而言，️呢間扒房都幾令人失望，一心以為Openrice有好多正評應該唔會伏得去邊，點知真係好食有限😢 而且性價比奇低，兩份扒，一個蟹餅，一杯野飲，加埋賣單要差不多$700，呢個價錢食牛扒真心可以有更好嘅選擇🥺 唯一可取嘅係佢環境唔錯，店員服務都好好，但野食質素真係有好大進步空間😥
張貼
