影片
更多
2016-06-22
1459 瀏覽
呢間咖啡店新開試業中，住灣仔嘅朋友帶我來試，行到門口好大個燈箱招牌，唔知以為係傢具店（個名真係令我咁聯想）行入店內，好喜歡嗰種日式簡約格局，白色石屎牆，加木紋傢具，中央大枱上嘅烏絲燈泡搶眼，一幅牆做書架，放滿店家嘅雜誌書籍，簡約木板餐牌，店員有介紹特色咖啡，不過我第一次幫襯都係穩陣啲！熱mocha(少甜）（$35）店員整好送上來，膠蓋厚紙杯，唔會辣手，咖啡夠熱，谷出咖啡香味！味道好濃，唔落糖易入口，只有微微朱古力味，不過打開蓋見唔到拉花！朋友飲凍cappuccino(走甜）可能試業，廚房同落單店員溝通不足，所以做出來係無走糖漿，要再做過一杯！不過店家好有禮道歉即刻更正！店員有禮斯文，溝通要加強！今日我哋都趕時間，如果下次有多啲時間，可以在店內悠閒嘆下就更好！呢間值得encore!
好喜歡嗰種日式簡約格局，白色石屎牆，加木紋傢具，中央大枱上嘅烏絲燈泡搶眼，一幅牆做書架，放滿店家嘅雜誌書籍，簡約木板餐牌，店員有介紹特色咖啡，不過我第一次幫襯都係穩陣啲！
Mocha
107 瀏覽
0 讚好
0 留言
朋友飲凍cappuccino(走甜）可能試業，廚房同落單店員溝通不足，所以做出來係無走糖漿，要再做過一杯！不過店家好有禮道歉即刻更正！
店員有禮斯文，溝通要加強！
今日我哋都趕時間，如果下次有多啲時間，可以在店內悠閒嘆下就更好！
呢間值得encore!
張貼
