Grotto

營業中

休息中

上次經過飲咗杯好好飲的咖啡，今次就決定坐低食Lunch。午餐有飯、千層麵、All day breakfast揀，款式唔算多不過肉食人士或走肉人士都有得揀。63度蛋巴馬火腿牛油果吐司有大啡菇、和式特調醬及特製莎莎醬，顏色相當豐富，大啡菇好juicy，巴馬火腿包住隻蛋，有賣相又好味，牛油果質地軟滑，想食light啲可以揀呢個。黑啤朱古力燉牛肉配珍珠米及63度蛋 $128牛肉煮到好軟腍，而且牛肉味濃，而個醬都食得出有朱古力味，味道比想像中夾，而且食完都唔會覺得膩，加埋個蛋味濃的雞蛋，正！千層麵（素）$108為素食人士而設，用新豬肉、芝士、茄醬及純素香醬炮製，食落都好香口，芝士味又重。當然，始終係用素嘅新豬肉關係，所以同平時嘅千層麵味道都係有少少唔同。凍/熱果茶 跟餐唔駛加錢凍同熱味道唔係爭好遠，都係有滿滿果香，不過凍飲睇落靚啲。Flat white 配餐加$20入口香滑，仲有咖啡香，好飲。expresso tonic $48咖啡的濃香配清新的tonic，視覺已經好靚，飲落味道平衡，夏天飲真係一流。