影片
更多
2016-05-18
2892 瀏覽
相約了好朋友係中環相見, 但2個人都冇諗要食咩喔, 潛意識諗住中環好多嘢食使咩諗定, 點知到咗後大家都真係諗唔到去邊度食, 而大前題係要試間没食過既餐廳 or CAFE . . . 最後都要求助於Openrice神指點吓迷津, 咁就揾到呢間Zenon CAFE 啦! 睇咗啲食評都反應唔錯, 於是決定GOGOGO...黎到間CAFE, 冇話有咩特別裝修, 但感覺幾舒服, 都幾有鬼佬CAFE feel(可能因為店內坐咗幾台外籍人士...嘻嘻嘻), 地方唔大...以2個2個位居多, 最適合情侣同我呢啲同朋友仔"2人世界".呢個就係門口啦, 我同個朋友就坐咗係門口個個位度, 邊食邊傾邊望吓經過既人, 感覺都幾relax架...而且因為坐咗係出邊, 得我地一台, 可以特登細細聲傾, 仲可以大笑都唔驚嚇親人!!!!咁我地俩個人叫咗個ALL DAY BREAKFAST SET 2人份同埋2杯LATTEFAMOUS ALL DAY BREAKFAST SET HKD208Upgrade to Cheese Omelet x 1 HKD10等我講吓個味道: 我想講呢個All Day Breakfast
黎到間CAFE, 冇話有咩特別裝修, 但感覺幾舒服, 都幾有鬼佬CAFE feel(可能因為店內坐咗幾台外籍人士...嘻嘻嘻), 地方唔大...以2個2個位居多, 最適合情侣同我呢啲同朋友仔"2人世界".
呢個就係門口啦, 我同個朋友就坐咗係門口個個位度, 邊食邊傾邊望吓經過既人, 感覺都幾relax架...而且因為坐咗係出邊, 得我地一台, 可以特登細細聲傾, 仲可以大笑都唔驚嚇親人!!!!咁我地俩個人叫咗個ALL DAY BREAKFAST SET 2人份同埋2杯LATTE
FAMOUS ALL DAY BREAKFAST SET
$208
84 瀏覽
0 讚好
0 留言
Upgrade to Cheese Omelet x 1 HKD10
等我講吓個味道: 我想講呢個All Day Breakfast 超出我預期地好好味喔!! 就咁睇個樣都知夠晒豐盛, 特別要提吓佢個煙鴨胸好夠味, 肉厚而肥有嚼勁, 食落好香...我平時係唔食鴨肉既, 但抱住試一塊既心態就食咗幾塊, 同埋個肉腸好香夠juicy又爽口, 個沙律菜亦都好新鮮, 個包都非常討好, 另外我地冇轉度waffle反而轉咗個Cheese Omelet, 都唔錯, 但後來見到人地台個waffle好似仲好味咁...心諗下次都要試吓~最麻麻係個煙三文魚, 我個人覺得唔夠煙熏味, 但總體黎講呢個全日早餐真係算有質數, 咁大份..我同朋友仔係食清光架!!!!
LATTE
$30
57 瀏覽
0 讚好
0 留言
LATTE
$30
68 瀏覽
0 讚好
0 留言
飲品方面我地淨係叫咗個普通LATTE, 味道都唔錯, 對得住CAFE水準有餘 . . .但後來知道原來有個推介既Honey Rose Latte, 點解店員冇介紹俾我地呢?!(悶///) 可能是那天他們太忙了吧(自我安慰中...)咁大家記得如果想叫啲特別啲既LATTE, 可以試吓Honey Rose Latte, 傳閒話好飲架!
題外話/補充資料：
個日其實有個少少唔係幾好既經歷, 就唔係好關啲嘢食事, 話說呢度叫野食係要自己去個水吧度俾咗錢先送嘢食既, 咁我咪去俾錢先, 落咗單後... 我同我個朋友仔開始傾計了, 傾傾吓開始肚子餓了喔, 望吓個時間...我地竟然等咗半個鐘有多, 但連杯嘢飲都有上過黎, 但眼見隔離台(遲過我地入黎個幾台)都已經上晒嘢食, 咁我咪問吓個店員, 佢都好有禮貌咁話幫我check吓, 原來漏咗我地個台張單, 好咁都算, 佢話會拿拿林煮返俾我地, 我唔係好滿意既地方係, 1)我叫咗個店員去check單, 佢知道咗漏單後都冇主動過黎同我地講, 要我再問返佢, 佢先同我地講唔好意思 = =||| 2)當佢已知道我地等咗半個鐘有多既時候, 佢地都唔拿拿林沖杯LATTE出黎, 仲要我同個朋友仔眼金金咁睇住去沖咗3-4杯咖啡俾其他台(岩岩落單個幾台), 我忍唔住問店員, 可唔可以俾住杯嘢飲我地先, 好口渴, 佢先同我講話下一杯到我地...個刻真係有啲炆, 心諗有冇搞錯, 我地已經唔出聲話等咗45分鐘有多...仲要開聲先有杯嘢飲吓(嬲咗)
最後當然都冇辦法, 唯有等...而佢地好似都FEEL到我地炆炆地, 送咗2張coupon俾我地, 但我都希望佢地可以改善吓佢地既處理手法, 下准再預到呢個情況..希望佢地會盡快跟進咗被漏單既食客先~ 但佢地個ALL DAY BREAKFAST真係堅好食!
(以上食評乃用戶個人意見 , 並不代表OpenRice之觀點。)
張貼
