JUST'er Bar & Restaurant

營業中

休息中

終於過來試呢間人氣店，成日比人洗板，而且之前經過都見到「全院滿座」，原來真係幾抵食！環境大玩霓虹燈，小店唔算大，所以都有用餐時間。餐牌選擇唔算太多，但都足夠，重點係價錢唔太貴。 垃圾八爪魚 $48必點！$48咁大盆，原隻小八爪魚，裹上少許炸粉去炸，好有咬口，如有酒配酒一流！ MK鰻魚蛋包白飯 $118 香港食鰻魚飯比較貴，但呢到價錢相對上相宜。鰻魚汁夠哂多，鰻魚也可以，仲有玉子，蛋可以厚身同滑身d就更好，而個人認為將白飯改成珍珠飯會更吸引！焗多汁豬仔骨配薯條 $128 Pork rib又係一樣貴價食物，但呢到同樣價錢較便宜。豬仔骨份量十足，肉質正常，食完飽肚感遞增。焦糖棉花糖布甸奶昔 $48 叫咗杯幾特別嘅奶昔，飲落去棉花糖味幾特出。