影片
更多
2023-11-07
78 瀏覽
The Grill Room@爵寓我今晚約咗朋友喺尖沙咀食飯，搵咗呢間都算係幾出名嘅連鎖扒房。餐廳嘅裝修偏向西式風格，用嘅都係雲石高枱，高雅大氣。我晚飯時間去到都唔算好爆，我哋坐嘅枱隔籬就係一張長長嘅bar枱，可以睇到廚師準備食物嘅情況。Menu可以揀Set Dinner 或者單點，單點就自由啲去揀自己想食嘅嘢。因為嘢食都算大份，我哋兩個就算拆得都唔敢叫太多～🥩燒美國安格斯西泠扒配黑松露薯蓉牛扒夠曬大份，我哋點咗medium rare，但食落都係偏熟咗啲，所以雖然肉質都算嫩滑同埋好有牛味但就唔太夠Juicy。好在佢仲可以配埋紅酒汁同阿根廷青醬食，食落唔會太乾又夠開胃，真係會食到停唔到口。另外呢個牛扒配有個黑松露薯蓉做伴菜，散發着濃濃既黑松露香氣，同牛肉嘅肉香互相配合。🍖葡式香辣燒春雞配黑松露薯條沙律佢哋嘅燒雞賣相都非常唔錯，食落肉質唔算太鞋，火候適中。更加出色嘅係佢哋自家製嘅黑松露薯條，新鮮炸出嚟非常脆口，而且有住淡淡嘅黑松露香氣。薯條本身亦都好夠薯仔味，啱晒作為首選傾計小食既首選，薯條怪更加唔可以錯過。🍹Tropical Punch佢哋嘅Mocktail睇落都唔錯喎，我哋就叫咗杯嚟試
我今晚約咗朋友喺尖沙咀食飯，搵咗呢間都算係幾出名嘅連鎖扒房。餐廳嘅裝修偏向西式風格，用嘅都係雲石高枱，高雅大氣。我晚飯時間去到都唔算好爆，我哋坐嘅枱隔籬就係一張長長嘅bar枱，可以睇到廚師準備食物嘅情況。
Menu可以揀Set Dinner 或者單點，單點就自由啲去揀自己想食嘅嘢。因為嘢食都算大份，我哋兩個就算拆得都唔敢叫太多～
🥩燒美國安格斯西泠扒配黑松露薯蓉
牛扒夠曬大份，我哋點咗medium rare，但食落都係偏熟咗啲，所以雖然肉質都算嫩滑同埋好有牛味但就唔太夠Juicy。好在佢仲可以配埋紅酒汁同阿根廷青醬食，食落唔會太乾又夠開胃，真係會食到停唔到口。另外呢個牛扒配有個黑松露薯蓉做伴菜，散發着濃濃既黑松露香氣，同牛肉嘅肉香互相配合。
🍖葡式香辣燒春雞配黑松露薯條沙律
佢哋嘅燒雞賣相都非常唔錯，食落肉質唔算太鞋，火候適中。更加出色嘅係佢哋自家製嘅黑松露薯條，新鮮炸出嚟非常脆口，而且有住淡淡嘅黑松露香氣。薯條本身亦都好夠薯仔味，啱晒作為首選傾計小食既首選，薯條怪更加唔可以錯過。
🍹Tropical Punch
佢哋嘅Mocktail睇落都唔錯喎，我哋就叫咗杯嚟試下。清新濃郁嘅菠蘿汁溝埋蜜瓜蓉、熱情果、新鮮覆盆子及紅茶，味道唔會剩係得菠蘿味咁單調而有層次，但飲落都係偏甜咗少少，等啲冰融左部份先至好返啲。
Tropical Punch
1 瀏覽
0 讚好
0 留言
葡式香辣燒春雞配黑松露薯條沙律
3 瀏覽
0 讚好
0 留言
燒美國安格斯西泠扒配黑松露薯蓉
2 瀏覽
0 讚好
0 留言
張貼
