影片
更多
2024-03-20
16 瀏覽
今日同朋友去尖沙咀行完街，揀咗加連威老道一間叫「和道屋」嘅居酒屋食日式料理，一入去餐廳就見到非常吸睛嘅裝修，係一條掛滿日式燈籠嘅走廊，有個千與千尋嘅無臉男公仔坐咗喺張長凳上面，大家未入去餐廳就已經可以喺度打卡，行到去餐廳入面都係充滿日式裝潢，坐得非常舒服。我哋嗌咗個$988嘅A4和牛壽喜燒二人套餐，套餐包咗好多嘢食，包括漬物三款、刺身五點、火炙壽司四點、拖羅海膽刺身杯兩杯、特盛A4和牛壽喜燒配稻庭烏冬同芝麻及綠茶雪糕各一客。如果覺得唔夠喉，仲可以用$268追加A4和牛肉眼150g。漬物柚子醋醃蘿蔔非常爽口開胃，柚子味好出，蘿蔔醃得唔會太酸；醬油醃蕃茄嘅蕃茄都好清甜，苦瓜漬滅完之後嘅苦瓜一啲都唔苦，有種回甘嘅味道。刺身五點就有三文魚腩、帶子、吞拿魚腩、油甘魚同赤海蝦，刺身尚算新鮮，食得出食材嘅鮮味。火炙壽司四點有火炙A4和牛壽司同火炙左口魚邊壽司各兩件，和牛火炙後半生熟，配上蒜粒同蔥花，咬落去重牛味同油脂味；左口魚邊火炙後迫晒啲魚油出嚟，咬落去入口即溶。拖羅海膽刺身杯嘅配搭比較新奇，賣相吸引，頂層有鮮甜嘅海膽配鹹香嘅魚子醬，下層有滿滿嘅拖羅蓉，又有爽脆嘅三文魚子做點綴，整體口感豐富。壽喜
我哋嗌咗個$988嘅A4和牛壽喜燒二人套餐，套餐包咗好多嘢食，包括漬物三款、刺身五點、火炙壽司四點、拖羅海膽刺身杯兩杯、特盛A4和牛壽喜燒配稻庭烏冬同芝麻及綠茶雪糕各一客。如果覺得唔夠喉，仲可以用$268追加A4和牛肉眼150g。
漬物柚子醋醃蘿蔔非常爽口開胃，柚子味好出，蘿蔔醃得唔會太酸；醬油醃蕃茄嘅蕃茄都好清甜，苦瓜漬滅完之後嘅苦瓜一啲都唔苦，有種回甘嘅味道。刺身五點就有三文魚腩、帶子、吞拿魚腩、油甘魚同赤海蝦，刺身尚算新鮮，食得出食材嘅鮮味。火炙壽司四點有火炙A4和牛壽司同火炙左口魚邊壽司各兩件，和牛火炙後半生熟，配上蒜粒同蔥花，咬落去重牛味同油脂味；左口魚邊火炙後迫晒啲魚油出嚟，咬落去入口即溶。拖羅海膽刺身杯嘅配搭比較新奇，賣相吸引，頂層有鮮甜嘅海膽配鹹香嘅魚子醬，下層有滿滿嘅拖羅蓉，又有爽脆嘅三文魚子做點綴，整體口感豐富。壽喜燒嘅湯底唔算太濃味，A4和牛油脂分布平均，煮熟之後咬落去肉質嫩滑，食完之後口腔充滿着牛肉油脂嘅香味，配菜有粉絲、稻庭烏冬、冬菇同娃娃菜，食完都好夠飽。芝麻雪糕嘅芝麻味非常濃郁，食落好似食緊芝麻糊咁；抹茶雪糕嘅抹茶味都非常濃厚，兩球雪糕嘅口感都好順滑。
📍尖沙咀加連威老道46-48號恆隆銀行大廈地舖及閣樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
漬物三味
0 瀏覽
0 讚好
0 留言
刺身五點
0 瀏覽
0 讚好
0 留言
火炙A4和牛壽司
0 瀏覽
0 讚好
0 留言
火炙左口魚邊壽司
0 瀏覽
0 讚好
0 留言
拖羅海膽刺身杯
2 瀏覽
0 讚好
0 留言
A4和牛壽喜燒
0 瀏覽
0 讚好
0 留言
芝麻抹茶雪糕
0 瀏覽
0 讚好
0 留言
張貼
