JUST'er Bar & Restaurant

營業中

休息中

今日行開尖沙咀，發現原來山林道都幾多嘢食，行完一次之後就揀咗呢間JUST’er，一黎佢係食西餐，二黎上網睇到好似幾多人推介，就入去試下啦😆我地兩個人叫左：垃圾八爪魚 $48見個名幾有趣就叫咗黎試下。一嚟到埋上有驚喜，好似花咁，八爪魚仔咋得鬆脆可口，而肉質亦夠彈牙，配上沙律醬都幾好食😋水牛城雞翼五隻 $52雞翼醬汁甜酸辣度都適中，略嫌雞皮唔夠脆。不過雞翼大大隻都幾抵食😊英國國菜1997 $113其實就係炸魚薯條，整體來講炸魚同薯條都揸得好脆，尤其係薯條，勁香口😋而炸魚肉質唔會散晒，亦有陣陣嘅魚香，證明幾新鮮👍🏻醬油風白汁三文魚扁意粉 $112呢個值得推介！食落去白汁甜甜地有驚喜，而且亦好creamy!三文魚粒都好多，抵食👍🏻最後叫咗杯岩鹽櫻花奶昔，甜度適中，少少岩鹽帶出櫻花嘅香味，好適合女仔飲😉整體來講性價比偏高，食物質素高得來價錢又大眾化，如果座位闊啲會更好，就可以坐耐啲慢慢享受美食。