OPPA Coffee Bar Restaurant

想食呢間韓國菜好耐啦，見到都好多好評～ 平日夜晚都有人排隊，記住book咗位先！呢度最出名係蛋漿熔岩炒飯，當然要試吓啦！當晚得一個OPPA，係香港人😂 同一個韓國女仔喺樓面，人手唔係好夠，但出餐都算快嘅～整體食物質素幾好，不妨一試😋🔸秘製章魚蛋漿熔岩炒飯 $198炒飯擺咗喺鐵板度，旁邊有加咗奶嘅蛋漿，OOPA會即場加芝士，再用火槍燒，之前撈勻半熟蛋、芝士同炒飯，做出拉芝嘅效果！睇住個過程都幾治癒😍 個炒飯充滿蛋漿同芝士，口感好軟棉棉，比想像中好食！以前喺濟洲島食過類似嘅，覺得呢度整得更好食！章魚份量算多，每啖都有，增加口感幾唔錯～ 個炒飯有加泡菜，但唔會覺得辣，整體好香濃芝味🧀，食完想再食😂 價錢就有少少貴啦，不過有OPPA喺面前即整拉芝炒飯，而且味道真係幾好食，值得試吓👍🏻🔸蟹膏蟹肉紫菜包飯 $108平時好鍾意食飯卷，不過香港嘅飯卷都賣得好貴呀🥹 呢度嘅蟹膏飯卷都幾多人叫，價錢唔平，不過好大條，比平時大1.5倍左右！頭尾兩舊飯卷有淋一啲蟹膏醬上去，非常鮮味😋 飯卷餡料有雞蛋絲、蘿蔔絲、青瓜絲、蟹柳同蟹膏醬，幾豐富又健康！🔸蜜糖牛油炸雞（半份） $198無骨炸雞貴$10，我地本身叫有骨