LM Cafe (已結業)

見佢開左係熟食市場對面，咁岩今晚無咩野做，放工就行左入去。無諗過佢閒日晩都咁多人！睇完個餐牌就明！鐵板餐都只係$50起！大家樂都唔只啦！我見其他人叫，熱辣辣，滋滋滋咁，自己都有d想食！不過因爲唔算好餓，所以叫左English Breakfast. 價錢好平！只係$68！最令我impressed既係隻菇！d牛油滲左落去增加左隻菇既香味，軟硬度適中，食菇都已經覺得好享受！腸都好特别！咬落去食到肉感，咸咸地用黎中和其他食物既味都唔錯！三文魚同煙肉都係一舊仔，分量岩岩好！朋友叫左個waffle, 揀左下圖既combination，佢既waffle唔係行硬脆路線，而係行軟棉既感覺！今次揀左芝士味waffle，淡淡既芝士粉香味令waffle唔會同其他野唔夾！蜜糖+朱古力雪糕+cream+士多啤梨+waffle係好正既配搭！就咁入黎食waffle都覺得抵！個雪糕仲有d朱古力碎！正！我地坐既係高枱高凳，環境都幾舒服！