影片
更多
2018-02-02
1084 瀏覽
米芝蓮一路以黎都唔係我想去一間餐廳嘅原因，好多嘅米芝蓮無米芝蓮嘅風範，而米芝蓮呢個名，只會令人帶住有色眼鏡去試一間餐廳。所以，放低眼鏡，就咁衝入去試啦。炭燒煲仔飯係呢度嘅焦點，一坐低就聞到輕輕嘅炭味，已經覺得有心去做，慢工出細貨，要有心理準備等25-30分鐘，所以如果要叫菜嘅話，記得坐低大約15分鐘後先好叫，否則菜黎曬，凍曬，飯都未到呢，又或者，嘆下個湯先啦。菜胆白肺湯 ： 一個花功夫，花時間嘅湯。第一口飲，湯底潤、鮮、豬味濃。豬肺應該首先煎過鎖質地，食落好淋，味清。湯裡面仲有雞腳，同樣地好入味，好淋，值得推介。啫啫芥蘭：一上菜時見到已經知道個賣相麻麻，菜比較老，炒到過火，咬落味道還可以，普通普通......始終過左火。油鴨排骨煲仔飯：等左30分鐘，終於等到，一黎到就已經聞到炭香飯香，急不及待，落豉油，啟動（係呀，唔洗好似平時嗰d要等）！首先，飯見到一粒一粒，水粉啱啱好。個底嘅飯焦，一塊一塊咁好輕易地挑出，唔膿，脆卜卜，第一次食飯焦係咁爽。豉油，真係令到個增色不小，帶甜甜，令到飯焦更加好味。不過唯一美中不足係個鴨比較韌，有幾舊好似一舊乾左嘅擦膠咁，另外排骨醃得有小小過多酒，酒味蓋過其它
炭燒煲仔飯係呢度嘅焦點，一坐低就聞到輕輕嘅炭味，已經覺得有心去做，慢工出細貨，要有心理準備等25-30分鐘，所以如果要叫菜嘅話，記得坐低大約15分鐘後先好叫，否則菜黎曬，凍曬，飯都未到呢，又或者，嘆下個湯先啦。
菜胆白肺湯
$98
48 瀏覽
0 讚好
0 留言
啫啫芥蘭
$65
35 瀏覽
0 讚好
0 留言
油鴨排骨煲仔飯
$75
53 瀏覽
0 讚好
0 留言
首先，飯見到一粒一粒，水粉啱啱好。
個底嘅飯焦，一塊一塊咁好輕易地挑出，唔膿，脆卜卜，第一次食飯焦係咁爽。
豉油，真係令到個增色不小，帶甜甜，令到飯焦更加好味。
不過唯一美中不足係個鴨比較韌，有幾舊好似一舊乾左嘅擦膠咁，另外排骨醃得有小小過多酒，酒味蓋過其它味。不過整體，個飯真係滿分！
題外話/補充資料：
姐姐安排左去隔離嚐囍點心嗰邊坐，裡面比較窄，不過個姐姐比較nice，有禮貌
(以上食評乃用戶個人意見 , 並不代表OpenRice之觀點。)
張貼
