更多
2019-08-16
364 瀏覽
今日約了朋友行波鞋街,行咗成個鐘頭都冇收穫,見到寶哥火鍋味館的燈箱招牌,$198打邊爐任食好似幾抵,見肚餓係時候醫下肚仔啦。$198加一兩小時任食,包一個湯底(四人以上可選鴛鴦鍋),七款生掹海鮮,八款自選升級配料,同任食火鍋配料。湯底有好多選擇,我們四位可以揀鴛鴦湯,點了猴頭菇鯊魚骨和雪蓮椰子湯,兩邊湯底平分秋色,鯊魚骨湯料非常豐富,加入紅棗 杞子和猴頭菇,湯味更突出和濃郁。而另一邊椰子味芬芳撲鼻,未食都覺得清新香甜。正當剔緊食乜火鍋配料時,侍應好快就奉上一盤海鮮拼盤,包括海蝦 活刀貝 生蠔 蟶子 青口 龍躉肉。全部都好新鮮,洗得乾淨,最先食海蝦,大大隻夠生猛, 爽口彈牙,蟶子肉厚鮮甜,生𧐢超級肥美,好吸引呀。打邊爐冇肉食點得呢, 分別點了特級美國肥牛,頂級安格斯牛小排和日本黑豚肉三款, 睇個樣質素都唔錯 ,美國肥牛好大碟,無雪味,色澤紅潤,肉味濃郁。牛小排油花分佈均勻,肉質相當軟嫩。黑豚肉色澤偏粉,油脂比例較高,口感滑溜質素上乘。手打丸子,最正係蝦丸,新鮮打造,爽口彈牙有蝦味。叫咗鮮蝦雲吞同鳳城水餃, 皮薄餡靚,都ok嘅。有花膠仔食,份量好多,出街甚少食到, 口感結實同爽口。仲有好多
$198加一兩小時任食,包一個湯底(四人以上可選鴛鴦鍋),七款生掹海鮮,八款自選升級配料,同任食火鍋配料。
湯底有好多選擇,我們四位可以揀鴛鴦湯,點了猴頭菇鯊魚骨和雪蓮椰子湯,兩邊湯底平分秋色,鯊魚骨湯料非常豐富,加入紅棗 杞子和猴頭菇,湯味更突出和濃郁。而另一邊椰子味芬芳撲鼻,未食都覺得清新香甜。
正當剔緊食乜火鍋配料時,侍應好快就奉上一盤海鮮拼盤,包括海蝦 活刀貝 生蠔 蟶子 青口 龍躉肉。全部都好新鮮,洗得乾淨,最先食海蝦,大大隻夠生猛, 爽口彈牙,蟶子肉厚鮮甜,生𧐢超級肥美,好吸引呀。
打邊爐冇肉食點得呢, 分別點了特級美國肥牛,頂級安格斯牛小排和日本黑豚肉三款, 睇個樣質素都唔錯 ,美國肥牛好大碟,無雪味,色澤紅潤,肉味濃郁。牛小排油花分佈均勻,肉質相當軟嫩。黑豚肉色澤偏粉,油脂比例較高,口感滑溜質素上乘。
手打丸子,最正係蝦丸,新鮮打造,爽口彈牙有蝦味。
叫咗鮮蝦雲吞同鳳城水餃, 皮薄餡靚,都ok嘅。
有花膠仔食,份量好多,出街甚少食到, 口感結實同爽口。
仲有好多蔬菜丸子菇類同麵,都係無限任食,食到飽飽只係二百零蚊, 高質素又抵食, 下次出旺角都要再嚟幫襯。
張貼