阿久根和牛拉麵屋

營業中

休息中

好開心！😆我個人就好鍾意食拉麵，聽朋友講有間係明星拉麵店，味道唔錯，介紹我去食😎 食完，又真係ok！雖然呢間係食和牛，但我唔食牛，所以我叫左雞肉食，都好好食！為大家介一介紹～🤩呢款係慢煮雞肉湯拉麵，湯無咁濃既就$78一碗，濃D就$90一碗。我叫左濃既版本。首先要講下個湯底，聽聞係煮左一段時間既濃郁雞湯，白色底，睇得出好濃味！之後拉麵叫左煮軟身D，口感對我黎講係岩岩好。最後係款雞肉，又估唔到！雞肉係慢煮，煮到好靚，肉質好軟身，好食呀，再加少少胡椒，吊到味出黎，有雞肉最原始肉香，好食！食食下會有D膩，可能因為濃湯關係，呢個時候就要加D辣椒粉，正，即刻醒神，哈！