影片
更多
2024-03-04
135 瀏覽
喺悠閒嘅週末嚟到西環堅尼地大廈地舖嘅呢間「POPMAZE」打卡覓食，店舖裝潢充滿美國街頭特色，地點都算方便就腳，滿心歡喜諗住食餐好嘅，誰不知食到一肚氣！😡激氣嘅位並不在於餐點味道方面，而係店員服務態度！咁本身一入黎就比佢當眼處既海報吸引order咗份「厚切煙肉芝士脆爆三文治」，睇見佢幅圖大大隻煎蛋鋪喺三文治上面不知幾吸引，殊不知上碟嘅時候發現原來冇蛋😓 問店員先知原來隻蛋要加多$10先有，但係落order嗰陣店員完全冇提過其實成件事只係好小事，店員落單嘅時候冇提出係冇跟蛋，大可道歉之後補番俾我哋，或者其他可行嘅補救措施，而唔係聽完之後就係咁「哦」幾聲再轉身走，再追問之下用好不負責任同帶點不屑嘅語氣講一句「咁你想我點？」，呢個絕對唔係餐廳基本有嘅服務態度😠 更何況今次問題本身出在餐廳上，店員嘅呢個反應真係令人好氣憤同無奈😡不過平心靜氣後，美食又的確係無辜嘅，餐飲方面除咗杯嘢飲真係味道奇怪到飲咗一啖就成杯冇郁過之外🤢 食物係不錯的，全部都清晒🍴《 厚切煙肉芝士脆爆三文治 》🙅🏻♂️🍳$68 4 / 5的確係夠焦香有咬感，面層亦都鋪滿芝士，配合埋煙肉充滿鹹香，不過再次提返：煎蛋加$10 ！煎
激氣嘅位並不在於餐點味道方面，而係店員服務態度！咁本身一入黎就比佢當眼處既海報吸引order咗份「厚切煙肉芝士脆爆三文治」，睇見佢幅圖大大隻煎蛋鋪喺三文治上面不知幾吸引，殊不知上碟嘅時候發現原來冇蛋😓 問店員先知原來隻蛋要加多$10先有，但係落order嗰陣店員完全冇提過
其實成件事只係好小事，店員落單嘅時候冇提出係冇跟蛋，大可道歉之後補番俾我哋，或者其他可行嘅補救措施，而唔係聽完之後就係咁「哦」幾聲再轉身走，再追問之下用好不負責任同帶點不屑嘅語氣講一句「咁你想我點？」，呢個絕對唔係餐廳基本有嘅服務態度😠 更何況今次問題本身出在餐廳上，店員嘅呢個反應真係令人好氣憤同無奈😡
不過平心靜氣後，美食又的確係無辜嘅，餐飲方面除咗杯嘢飲真係味道奇怪到飲咗一啖就成杯冇郁過之外🤢 食物係不錯的，全部都清晒🍴
《 厚切煙肉芝士脆爆三文治 》🙅🏻♂️🍳$68 4 / 5
的確係夠焦香有咬感，面層亦都鋪滿芝士，配合埋煙肉充滿鹹香，不過再次提返：煎蛋加$10 ！煎蛋加$10 ！煎蛋加$10 ！重要嘢要講三次‼️
《 柚子炸雞球配雪糕 》 $68 4.5 / 5
雞皮炸到脆卜卜，雞肉咬落唔嚡口仲有啲肉汁，柚子汁啱啱好中和返油膩感，雪糕都係柚子味，一冰一火口感幾有衝擊🤪
《 蒜香鯷魚帶子意粉 》 $128 4 / 5
蒜香同鯷魚肉碎包覆住每條意粉，熱辣辣香口醒胃，但味道略鹹🤏 帶子肉就彈牙有厚度👍🏻
《 甜嘢係毒藥 》$58 1 / 5
呢杯嘢仲毒過毒藥🤢感覺似係亂撞出嚟嘅噱頭嘢…唔係咁接受到🙈
總括嚟講，撇除服務質素嚟講，餐廳嘅食物質素同環境設計得分都唔低，但係嘢食口味偏重，飲品的話建議大家試返啲普通嘢就好🙌🏻 最後嘅感想就係一間餐廳除咗食物質素之外，服務質素都好緊要，如果Service唔合格，就算食物幾好味都只會令客人食得背脊骨落，唔知大家又認唔認同呢？
———————————————
🏠環境舒適度：💛💛💛
👅舔脷回頭度：💛💛💛💛
📸打卡able度：💛💛💛💛💛
🙇🏻♀️服務滿意度 ：係負分唔係零分咁簡單
———————————————
張貼
