悅滿軒

營業中

休息中

星期日晚同老公去左饒宗頤文化館間有情調既餐廳撐枱腳。首先送上餐前麵包，麵包好軟熟又熱辣辣，連隻碟都係暖架，好周到。大通粉配慢煮和牛頰肉和牛頰肉已經整碎左，遍佈係通粉度，肉質軟腍，醬汁調味好好，係好食既通粉。寶雲酥焗西班牙伊比利羊扒配自家製羊肉腸·砵酒汁第一次食羊肉腸，有少少羊羶味，甘先係食羊架嘛，有驚喜。羊扒就無乜羊羶味，好軟嫩，都好好味。阿拉斯加雪山侍應幫手點火。蛋白糖包住朱古力蛋糕、雲尼拿雪糕、朱古力餅底，好多層次，口感豐富，好出色。