COCO

營業中

休息中

每月一Tea今次就嚟到Coco，其實幾年前都試過，當時嘅主題係綠茶，覺得都係一般般，今次做research嘅時候見到個tea set幾有summer feel🦩睇落都唔錯，所以就決定過嚟一試🫶🏻店員安排我哋坐喺Yamm嗰邊，因為Yamm自助餐冇做下午茶時段，嗰邊就坐多更加舒服，空間感大啲。叫咗Tea set後，先上檸檬雪葩🍨，蝴蝶酥。檸檬雪葩有絲絲嘅檸檬皮，夠灑冰凍，非常開胃，用來做opening幾好。蝴蝶酥就不過不失，可以再酥脆啲。每人分別有五件鹹點，四件甜點，仲有兩件Scone。先講Scone，個size比較細，味道都正常，略嫌紅菜頭scone食唔出任何味😑都係原味好食。鹹點五件都好食，尤其是鮑魚撻，煙三文魚Mousse拿破崙。幾有特色，擺盤亦精美。甜品亦都有驚喜喎，🦩造型士多啤梨蛋糕好味，睇得又食得。另外嗰支朱古力雪茄都係🤣滿滿嘅紅莓朱古力，唔會太甜又酸酸地，完全冇得剩😎個個都食晒。整體來講呢度食物質素確實唔錯，五百幾蚊兩位性價比都高，坐得舒服。最後我認為餐廳可以換下個Tea set層架，幾年前係依個，幾年後都係😆轉下造型會帶俾食客更多新鮮感。