Belgos

營業中

休息中

我啱啱去咗Belgos飲嘢慶祝朋友生日。好可惜嘅係，最後呢間餐廳搞到我地好唔開心。啲嘢飲還好，但係啲服務真係有問題。一開頭，我地五個人叫咗四杯嘢飲,因為其中一位係喂緊人奶既媽媽，只係想飲水，侍應落單嗰陣冇同我哋講過佢地有最低消費，至少每人都要點一杯嘢飲。之後其實我地冇叫埋單，坐咗一陣飲完1 round 問佢地攞水嗰陣有個侍應特然俾張單我地，問我地要幾多杯水。我地話要五杯之後個佢個樣好唔友善咁話其實你地五個人叫四杯嘢飲，唔係咁好囉！要五杯嘢飲先得！其實，啲水我地一早坐低時已經話想要，佢地唔記得咗，仲有我地都冇話要走，點多杯嘢飲真係冇問題，本身唔係佢態度咁差我地隨時飲多round添，問題係佢地既態度差，而經理對我哋嘅投嘅反應都好令人失望，淨係話因為好忙，個侍應都wing wing地，幫佢道歉，但堅持要我地叫多杯嘢飲。雖然我明白餐廳都有啲政策佢地要執行，但係佢地執行呢啲政策嘅方式同埋我哋受到嘅待遇真係好差，留低咗好唔好嘅印象，搞到個生日既朋友都好唔開心。總括而言，我唔會推薦Belgos，自己都唔會再去。佢地嘅服務太令人失望。我希望呢間餐廳可以認真聽取客戶嘅意見，而且改善佢地嘅溝通同服務。