影片
更多
2021-05-25
1304 瀏覽
每次行經油麻地站通往信和嘅通道時，我都好想食「am.pm」。不過一個人食又好似太多，好彩今日同行友人都有興趣，咁簡直係一拍即合啦👏。雖然小店作為香港賣梳乎厘班戟嘅始祖，但佢嘅甜品其實仲有雪糕同牛角包窩夫等🥐。由於天氣實在太熱了☀️，所以我哋今次唔止係食班戟。提拉米蘇疏乎厘($50/2件)，🥞之前食過其他口味，今次就嗌咗我最愛嘅提拉米蘇味，佢個造型維肖維妙👍。由於即叫即整，所以疏乎厘班戟熱辣辣登場，兼且空氣感十足，成盒拎上手時見佢不斷搖晃動L🤣。班戟本身唔會太甜，濕潤度好高。至於提拉米蘇方面，咖啡味好夠☕️，亦充滿奶油香，但始終係以醬嘅方式淋上班戟面，就唔太能夠將甜品嘅整個形態還原出嚟。所以我覺得佢係有提拉米蘇嘅精髓，但用「咖啡味」形容比較適合🈴️。不過整體都算唔錯。日本雞蛋焦糖布丁3.6牛乳雪糕($28)，🍦夏日炎炎食雪糕特別爽，因為有回復生命值嘅感覺。軟雪糕口感超軟滑，每啖都食到好濃牛奶味🥛。底層係焦糖布丁🍮，雖然有啲啲甜，但好重雞蛋香，而且份量唔多、啱啱好，所以食起上嚟都唔會膩。我相信如果小店齋出焦糖布丁應該都會大賣！百年之蜜蘋果飲($38)，猶豫咗陣飲沙冰定蘋果蜜好，但見佢貼哂海報介紹
每次行經油麻地站通往信和嘅通道時，我都好想食「am.pm」。不過一個人食又好似太多，好彩今日同行友人都有興趣，咁簡直係一拍即合啦👏。
雖然小店作為香港賣梳乎厘班戟嘅始祖，但佢嘅甜品其實仲有雪糕同牛角包窩夫等🥐。由於天氣實在太熱了☀️，所以我哋今次唔止係食班戟。
提拉米蘇疏乎厘($50/2件)，🥞之前食過其他口味，今次就嗌咗我最愛嘅提拉米蘇味，佢個造型維肖維妙👍。由於即叫即整，所以疏乎厘班戟熱辣辣登場，兼且空氣感十足，成盒拎上手時見佢不斷搖晃動L🤣。班戟本身唔會太甜，濕潤度好高。至於提拉米蘇方面，咖啡味好夠☕️，亦充滿奶油香，但始終係以醬嘅方式淋上班戟面，就唔太能夠將甜品嘅整個形態還原出嚟。所以我覺得佢係有提拉米蘇嘅精髓，但用「咖啡味」形容比較適合🈴️。不過整體都算唔錯。
日本雞蛋焦糖布丁3.6牛乳雪糕
$28
22 瀏覽
1 讚好
0 留言
百年之蜜蘋果飲($38)，猶豫咗陣飲沙冰定蘋果蜜好，但見佢貼哂海報介紹，好似好正咁，就比佢吸引咗😻。飲品賣相好靚，除咗有漸變色之外，最頂頂仲加咗綿花糖。佢由五種青森蘋果原汁混合調製，我就當然飲唔出咁多款啦，但就覺得比平日飲開嘅濃郁🍎。佢都係偏甜少少，不過起碼免卻咗蘋果嘅酸，係獨有嘅好飲味道🤤。
題外話，等嘅期間可以隔住玻璃睇店員整班戟，過程都幾得意😝。
總括嚟講，🚌黃巴士甜品小店多年嚟能夠保持一貫水準，非常難得，所以亦解釋到點解佢夜晚長期排滿人。價錢方面，我認為都算大眾化，堂食甜品或者班戟隨時收貴你兩三倍，但質素亦唔見得特別好。如果未食過嘅話，不妨可以一試哦😎。
張貼
