The Market

Item: The Market
Rating: 5
Author: kakiku.bae

917 食評

味道

環境

服務

衛生

抵食

95475

尖沙咀

$401-800

多國菜海鮮自助餐酒店餐廳

複製到剪貼簿

580

152

kakiku.bae

等級3

這是榴槤飄香星馬泰下午茶，價錢唔平但我覺得係值回票價嘅一餐。想逐層分享俾大家佢先嚟每人一個椰子榴槤燉湯燉湯一定唔係味精湯食到有榴蓮茸紅棗椰子塊望到都覺得係滋補系列不過唔係好有榴槤味純粹就係一碗滋補靚湯而已我見佢去到尾聲都有擺咗十零盅俾人任拎應該係剩咗唔好浪費吧飲完湯我就拎咗雪糕要介紹返佢有兩款榴槤雪糕選擇一款係人手「畢」俾你附搭新鮮榴槤茸嘅自家制混合一款係你自己喺軟雪糕機擠出嚟前者好味到震超級濃郁嘅榴槤味係嗅覺同味蕾都享受到嘅膨湃感好味到震我一個都食咗六杯每杯一球咁嘅份量啦就係咁都已經抵返哂至於後者除非你個人好鍾意冰感好似雪芭嗰啲口感否則就會覺得前者同後者係差天共地因為冰感蓋過了榴槤感味蕾享受唔到濃郁嘅榴槤味。仲有一個主打雪糕係Godiva 嘅黑或白雪糕都係任你拎係喺軟雪糕機度擠出嚟你平時出去一杯都五十蚊你食兩杯都賺返一百啦到正餐啦佢上完個湯就會派個下午茶架俾大家樣貌精緻味道整體都好逐樣嚟先係頂層嘅加勒比海野生龍蝦尾好正超級新鮮同彈牙我嫌唔夠喉因為唔係好大隻一個女仔細拳頭咁隔離就係麥皮軟殼蝦係連蝦

這是榴槤飄香星馬泰下午茶，價錢唔平但我覺得係值回票價嘅一餐。

想逐層分享俾大家佢先嚟每人一個椰子榴槤燉湯燉湯一定唔係味精湯食到有榴蓮茸紅棗椰子塊望到都覺得係滋補系列不過唔係好有榴槤味純粹就係一碗滋補靚湯而已我見佢去到尾聲都有擺咗十零盅俾人任拎應該係剩咗唔好浪費吧

飲完湯我就拎咗雪糕要介紹返佢有兩款榴槤雪糕選擇一款係人手「畢」俾你附搭新鮮榴槤茸嘅自家制混合一款係你自己喺軟雪糕機擠出嚟
前者好味到震超級濃郁嘅榴槤味係嗅覺同味蕾都享受到嘅膨湃感好味到震我一個都食咗六杯每杯一球咁嘅份量啦就係咁都已經抵返哂
至於後者除非你個人好鍾意冰感好似雪芭嗰啲口感否則就會覺得前者同後者係差天共地因為冰感蓋過了榴槤感味蕾享受唔到濃郁嘅榴槤味。

仲有一個主打雪糕係Godiva 嘅黑或白雪糕都係任你拎係喺軟雪糕機度擠出嚟你平時出去一杯都五十蚊你食兩杯都賺返一百啦

到正餐啦佢上完個湯就會派個下午茶架俾大家樣貌精緻味道整體都好

逐樣嚟先係頂層嘅加勒比海野生龍蝦尾好正超級新鮮同彈牙我嫌唔夠喉

因為唔係好大隻一個女仔細拳頭咁隔離就係麥皮軟殼蝦係連蝦殼都可以咀嚼後吞落肚依個都好出色蝦係入味嘅表皮脆卜卜蝦肉同樣新鮮彈牙不過又係嫌佢太細啦

嚟到第二層係泰式香辣熟蝦杯味係好清新不過唔食辣嘅朋友要小心因為佢嘅辣道都好重手我平時食開譚仔大辣都覺得有啲辣同枱唔食辣嘅朋友話要噴火即刻要食返雪糕中和返沙律菜同假都係新鮮無得彈

至於個泰式蟹肉魚餅配三文魚子個魚餅食到係有魚味係平時泰式拼盤嘅魚餅味多咗啲三文魚子叫珍貴點吧其實喱個嘅蟹肉味唔係好出唔算好特別

不過要我數我最不喜歡嗰個用葉包住嘅炭燒馬來西亞烏達魚肉啦因為隻味同賣相實在不太討好顏色係橙色我咬落去只覺得有啲辣同泰式香草味魚肉唔係彈牙係滑身咁嘅質感可能係我唔鍾意喱個味道同質感啦

到底層嘅甜品層其實佢只有兩款甜品一款係榴槤班蘭蝶豆花糯米飯個樣靚到好夢幻因為取蝶豆花嘅顏色整到一個四方體咬入有榴槤茸榴槤同糯米飯根本係天生一對啦榴槤又香茸亦夠多唔會覺得只剩返糯米飯孤人獨憔悴
至於個榴槤椰子蝶豆花西米杯依個就味道較清淡佢哋都夾嘅不過就係嫌佢唔夠濃烈呀

最後俾三舊真榴槤大家點分有朱古力牌係貓山王有金萡係紅蝦咩都無係黃金榴槤相信佢都係即開即上枱味道係點大家會有唔同感覺吧我自己個人最喜歡反而係黃金榴槤因為比較似我鍾意喺街市超市食開嘅金枕頭同大釘嘅味紅蝦反而我覺得係最無味貓山王鍾意嘅人應該鍾意佢有噚酒香氣吧

總括而言我絕對推介大家去試下依個下午茶只要你食到幾杯雪糕已經覺得好抵

況且其他食品亦都係中上等級的美食。