影片
更多
2024-04-22
286 瀏覽
永年係我每次去元朗都會買外賣嘅車仔麵舖～佢哋嘅辣汁真係世一，每次都係外賣兩份豬腸、豬紅、魷魚加奶茶紅豆冰！而家終於等到新城市有永年啦！永年係pet friendly 餐廳，下次一定要帶埋我兩隻法國老虎仔過嚟先❤️奶茶紅豆冰+抹茶紅豆冰唔係好甜，有奶茶香味同埋抹茶嘅苦澀味!見到永年新開咗鐵板餐牌，有鐵板一人套餐梗係要試一個美國安格斯封門柳（～10oz）啦！跟餐會配沙律或者餐湯、炸麵同埋一款醬汁，醬汁有三款：包括永年，招牌辣椒汁，黑椒汁或者洋蔥汁店員先用兩個洋蔥圈墊住封門柳，防止煎燶洋蔥圈🧅加埋黑椒汁，透過鐵板剩餘嘅熱力煎熟，所以都好好味封門柳嘅肉質鮮嫩，店員將火候tune得啱啱好，一切開個橫切面，入邊全部都係粉紅色作為avocado lover，牛油果薯仔蝦沙律🥗係一個好開胃嘅前菜，有熟蝦，橙色同埋紅色嘅車厘茄以及牛油果加埋薯仔沙律，份量都幾足個人覺得橙色嘅車厘茄比起紅色仲甜👍車仔麵小食：豬三寶有 豬腸、豬紅、豬皮，唔係好多餐廳有好食嘅豬腸，清洗同埋烹調都好花功夫！而豬腸就係呢度嘅招牌，好有細個去廟街食街邊檔嘅感覺我同老公叫咗永年大碗麵+男神麵～豬腸加埋永年嘅秘製小辣辣汁湯底，又有豬腸嘅油
佢哋嘅辣汁真係世一，每次都係外賣兩份豬腸、豬紅、魷魚加奶茶紅豆冰！
而家終於等到新城市有永年啦！
永年係pet friendly 餐廳，下次一定要帶埋我兩隻法國老虎仔過嚟先❤️
奶茶紅豆冰+抹茶紅豆冰唔係好甜，有奶茶香味同埋抹茶嘅苦澀味!
見到永年新開咗鐵板餐牌，有鐵板一人套餐
梗係要試一個美國安格斯封門柳（～10oz）啦！
跟餐會配沙律或者餐湯、炸麵同埋一款醬汁，醬汁有三款：包括永年，招牌辣椒汁，黑椒汁或者洋蔥汁
店員先用兩個洋蔥圈墊住封門柳，防止煎燶
洋蔥圈🧅加埋黑椒汁，透過鐵板剩餘嘅熱力煎熟，所以都好好味
封門柳嘅肉質鮮嫩，店員將火候tune得啱啱好，一切開個橫切面，入邊全部都係粉紅色
作為avocado lover，牛油果薯仔蝦沙律🥗係一個好開胃嘅前菜，有熟蝦，橙色同埋紅色嘅車厘茄以及牛油果
加埋薯仔沙律，份量都幾足
個人覺得橙色嘅車厘茄比起紅色仲甜👍
車仔麵小食：豬三寶有 豬腸、豬紅、豬皮，唔係好多餐廳有好食嘅豬腸，清洗同埋烹調都好花功夫！而豬腸就係呢度嘅招牌，好有細個去廟街食街邊檔嘅感覺
我同老公叫咗永年大碗麵+男神麵～豬腸加埋永年嘅秘製小辣辣汁湯底，又有豬腸嘅油脂香氣，又有車仔麵嘅辣味特色
永年大碗麵包括豬腸、魚蛋、蘿蔔、豬紅、豬皮、雞翼、雞翼尖、魷魚、紅腸
男神麵包括牛柏葉、牛肚、豬腸、牛丸、牛腩、蘿蔔
車仔麵配搭油面就最適合了!
特別欣賞佢哋嘅水魷，咬落爽脆～豬紅加埋湯底真係好吸引!
有時喺屋企食麵都好想加佢哋嘅湯底醬，佢哋嘅咖喱醬係city’super都有得賣，但係經常都斷晒貨🤭
張貼
