大越越南餐廳

營業中

休息中

今日放工後同朋友黎到沙田圍一間越南餐廳食野--大越越南餐廳。餐廳面積大，座位寬敞，坐得舒服。我地叫咗一碗大越生牛肉牛腩片湯河粉（$65）同一碟越式烤豬頸肉飯（$63）。河粉非常大碗，加入適量嘅牛肉，非常飽肚，河粉入面仲有一舊白蘿蔔，好清甜。而豬頸肉嘅肉質好爽，肥瘦適中。小食方面，我地叫咗$42沙爹牛肉串（3串）同$53芝心蝦多士（4件）。沙嗲牛肉串d肉好大舊，肉上面放咗d 脆脆。至於芝心蝦多士，多士炸得非常脆，咬落去會食到融融地嘅芝士同蝦，賣相吸引。飲品方面，我地叫咗凍蜂蜜玫瑰柚子茶同椰汁冰。朋友話杯椰汁冰好清爽，飲到椰子嘅香甜味道。而我杯凍蜂蜜玫瑰柚子茶甜度適中，飲品上有三粒玫瑰花浮上面，增添了視覺美感。