享慢煮意 (善慶街)

營業中

休息中

好少踏足上環，嚟到先知道有好多特色嘅食店，臥虎藏龍。其中一間就係法國餐廳：享慢煮意。假日黎到有3-coarse weekends all-day，好豐富。店員好友善咁樣同我哋介紹是日餐單。衝著佢嘅牛角包黎所以一定選擇佢，係頭盤到揀咗龍蝦湯流牛角包。一切落去，橙黃色嘅龍蝦湯爆曬出黎。龍蝦湯鹹淡適中，配牛角包有少少似酥皮湯嘅質感，有趣地除咗吸左湯嘅部份，牛角包面頭仲係脆。朋友就叫咗另外一個甜點嘅牛角包，海鹽焦糖咖啡。佢都係流心系列，流心部分質感比較偏向mousse，味道似mocha，作為甜品都係好選擇。主菜叫咗牛腹扒，雖然唔係全件上，但分開咗幾大嚿配上南瓜蓉，賣相更吸睛，明顯有花心思。中間仲有好靚嘅粉紅色，熟度啱啱好，外表煎得脆，內裏仲保持到好嫩滑。面頭有椰菜絲、提子，為呢個以肉食主菜加添refreshing感覺。最後當然唔少得甜品！嚟到呢一間法國餐廳，就點左真空慢煮焦糖燉蛋。對於佢點樣真空、點樣慢煮，其實我都唔知，只係知道好味。面頭脆脆嘅焦糖配上好濃滑嘅燉蛋，最底層仲有藍莓醬，令到呢一個焦糖燉蛋層次豐富。溫馨提示：好彩訂咗位，食到一點幾嘅時候已經好多人等。