影片
更多
2024-05-07
0 瀏覽
Bistro NTT by Attic今次要介紹浸會大學入面一間主打優質意大利菜嘅餐廳叫「Bistro NTT by Attic」，入面簡單裝修佈置，有長枱、單人枱，以及方便輪椅專用嘅手動調高調低枱，做人出去食野最少20年，喺餐廳真係未見過有手動調高調低枱，非常罕有！從OpenRice見到人哋影d門口相，見到餐廳門口係有一級，不過我一到停車場看更就帶我入吳多泰博士國際中心嘅正門，由正門入佢哋餐廳就唔使帶斜板，呢間餐廳最近推出新菜式，一於入去食個優質意大利菜啦！APPETIZER1.法式牛肉他他，胡椒薄餅（9/10）呢個法式牛肉他他唔腥，咬落去好軟淋，仲食到入面有馬蹄粒，好爽好有口感！胡椒薄餅如果換脆身就好，佢哋係用咗好淋嘅胡椒薄餅！2.意大利雲吞，紅蝦慕斯，龍蝦牛油汁（7/10）呢個意大利雲吞係一大粒，雲吞個皮厚咗少少，入面係豬肉同馬蹄粒，出面係用咗龍蝦牛油汁，味道唔會太濃！是日餐湯：南瓜湯（9/10）呢碗南瓜湯淡淡南瓜味，南瓜湯算濃稠，仲有幾舊鬆軟麵包粒！MAIN COURSE3.蟹黃蟹肉香蒜辣椒扁意粉（8/10）呢碟蟹黃蟹肉香蒜辣椒扁意粉面上有好多蟹肉，不過扁意粉有少少硬，整體都
今次要介紹浸會大學入面一間主打優質意大利菜嘅餐廳叫「Bistro NTT by Attic」，入面簡單裝修佈置，有長枱、單人枱，以及方便輪椅專用嘅手動調高調低枱，做人出去食野最少20年，喺餐廳真係未見過有手動調高調低枱，非常罕有！
從OpenRice見到人哋影d門口相，見到餐廳門口係有一級，不過我一到停車場看更就帶我入吳多泰博士國際中心嘅正門，由正門入佢哋餐廳就唔使帶斜板，呢間餐廳最近推出新菜式，一於入去食個優質意大利菜啦！
APPETIZER
1.法式牛肉他他，胡椒薄餅（9/10）
呢個法式牛肉他他唔腥，咬落去好軟淋，仲食到入面有馬蹄粒，好爽好有口感！
胡椒薄餅如果換脆身就好，佢哋係用咗好淋嘅胡椒薄餅！
2.意大利雲吞，紅蝦慕斯，龍蝦牛油汁（7/10）
呢個意大利雲吞係一大粒，雲吞個皮厚咗少少，入面係豬肉同馬蹄粒，出面係用咗龍蝦牛油汁，味道唔會太濃！
是日餐湯：南瓜湯（9/10）
呢碗南瓜湯淡淡南瓜味，南瓜湯算濃稠，仲有幾舊鬆軟麵包粒！
MAIN COURSE
3.蟹黃蟹肉香蒜辣椒扁意粉（8/10）
呢碟蟹黃蟹肉香蒜辣椒扁意粉面上有好多蟹肉，不過扁意粉有少少硬，整體都算好味，辣辣地好有蒜蓉香！
4.紅酒柱侯燴牛尾意大飯（7.5/10）
呢碟紅酒柱侯燴牛尾意大飯個飯粒有少少未熟，牛尾肉質軟淋，淡淡紅酒味！
DESSERT
5.烏龍茶奶凍（9.5/10）
呢個奶凍非常滑，淡淡烏龍茶味，仲有玫瑰花瓣碎喺旁邊，又唔甜，個奶凍真係非常高質！
6.意式伯爵奶凍（9.5/10）
呢個奶凍非常滑，淡淡意式伯爵茶味，仲有玫瑰花瓣碎喺旁邊，又唔甜，個奶凍真係非常高質！
7.凍檸茶（8.5/10）
呢杯凍檸茶茶味好淡，檸檬有3片！
8.凍奶茶（8.5/10）
呢杯凍奶茶個奶同茶比例唔係好啱我，茶味有少少濃，奶味唔出，一般好飲！
2人總共價錢$590，有加一服務費！
個人口味總評分：9.56/10
@bistrobon_bu
地址：九龍塘聯福道32號吳多泰博士國際中心地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#BistroNTT #浸會大學 #吳多泰博士國際中心 #九龍塘好去處 #九龍塘美食 #香港美食 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
