豐信餃子店

營業中

休息中

本身想去另一間，點知去到先發現無開。就轉左黎呢間。職員按排左我坐係收集廚餘房隔離張枱，垃圾桶打開。本身已經唔開胃。有職員不停係我隔離執人地食過既碗同包垃圾。所以我睇到個職員一路包垃圾，執客人食完既碗，一路用同一對手套上菜。覺得好不衞生。2人一共叫左4隻味麻辣白菜，東菇肉餃 （雙拼煎餃）雲耳椰菜，薺菜馬蒂 （雙拼湯餃）煎餃皮又厚又硬，唔脆，油膩。2款煎餃肉既比例好多，麻辣白菜係8:2，東菇9:1，完全食唔到東菇味。因肉比例太多又係同一隻肉，都唔似食緊2款餃。菜脯切得太碎又唔夠野味。唯一可取係肉多菜少所以足料？但我自己就著重比例要平均，什至有d味可以菜多過肉。湯餃好好多，2款湯餃肉同菜比例好些，但都係肉偏多。湯底ok但唔會想飲晒佢。小食叫左煎豆腐同蓮藕粒。豆腐唔錯整體黎講，湯餃正常發揮，煎餃完全唔得。加上衞生環境差，唔會再黎。唔明點解要排隊。