影片
更多
2024-04-11
157 瀏覽
間唔中都會想上去山頂望吓個夜景，特別係工作大壓力嘅時候，望住個夜景真係可以排憂。山頂其實都有幾間唔錯嘅餐廳，呢一間係其中一間我好鍾意嘅，如果唔係好大風嘅話都會想坐喺出邊食。‣ Chicken Tikka $268雞嘅外表燒到有啲微微焦黑，但係食落去完全唔會覺得有燶味。雞肉嫩滑多汁，同時你會食到好多唔同嘅香料味，例如茴香。食落去嘅時候都會有一種淡淡嘅煙熏味，搭配芫荽醬令雞肉味道更加清新。我自己好鍾意嗰種複雜嘅香料味，但係如果本身唔特別鍾意咁重香料味嘅人，就未必鍾意食呢一道菜。‣ Railway Mutton Curry $388本身我唔食羊肉，不過係男朋友嘅極力推薦底下，我都有試。肉燉到好軟腍，但係唔會冇咗肉嘅口感，就算我好唔鍾意食羊肉都好，都忍唔住食多咗幾嚿。如果你本身好唔鍾意羊羶味，但係你又好想試吓囉羊肉，我會極力推薦你試吓，可以話已經幾乎係冇晒所有嘅羊羶味。可惜嘅係畢竟我對呢浸味道好敏感，最後都係轉投雞肉嘅懷抱。＊食到差唔多嘅時候，侍應哥哥聽到我吸鼻水嗰啲嗦嗦聲，就問我係咪覺得好辣。其實我唔係覺得好辣，不過個鼻唔爭氣，我就同佢講話有少少辣。佢就笑一笑我，然後冇幾耐佢就捧住兩杯薑奶茶
‣ Chicken Tikka $268
雞嘅外表燒到有啲微微焦黑，但係食落去完全唔會覺得有燶味。雞肉嫩滑多汁，同時你會食到好多唔同嘅香料味，例如茴香。食落去嘅時候都會有一種淡淡嘅煙熏味，搭配芫荽醬令雞肉味道更加清新。我自己好鍾意嗰種複雜嘅香料味，但係如果本身唔特別鍾意咁重香料味嘅人，就未必鍾意食呢一道菜。
‣ Railway Mutton Curry $388
本身我唔食羊肉，不過係男朋友嘅極力推薦底下，我都有試。肉燉到好軟腍，但係唔會冇咗肉嘅口感，就算我好唔鍾意食羊肉都好，都忍唔住食多咗幾嚿。如果你本身好唔鍾意羊羶味，但係你又好想試吓囉羊肉，我會極力推薦你試吓，可以話已經幾乎係冇晒所有嘅羊羶味。可惜嘅係畢竟我對呢浸味道好敏感，最後都係轉投雞肉嘅懷抱。
＊食到差唔多嘅時候，侍應哥哥聽到我吸鼻水嗰啲嗦嗦聲，就問我係咪覺得好辣。其實我唔係覺得好辣，不過個鼻唔爭氣，我就同佢講話有少少辣。佢就笑一笑我，然後冇幾耐佢就捧住兩杯薑奶茶話請我同男朋友飲，隔離仲有細細塊曲奇餅，個吓覺得好窩心。
張貼
