Gyutan Toku牛舌專門店

營業中

休息中

我同細佬都好鍾意食牛舌 見到呢間牛舌專門店 所以就嚟試吓 一嚟到見到門口已經排晒隊啦極上牛舌定食嚟到牛舌專門店當然要試吓佢嘅招牌極尚牛舌定食啦 我哋就叫咗一倍一碟大概六舊左右 但係每舊都好厚 好似未食過咁爽嘅牛舌🤤柚子醬油漬牛舌丼呢個係期間限定嘅牛舌丼 一嚟到都未開始食就已經聞到好香嘅柚子味 柚子再加埋牛舌個感覺就好清新一碗嘅牛舌就好腍 係另一種感覺佢每個定食就已經包咗沙律 茶碗蒸 漬物 仲有一碗麵豉湯 我好鍾意食佢個茶碗蒸 好有蛋味另外我哋再叫多兩個小食 分別係汁燒雞肝同土佐豆腐從來都冇食過雞肝 今次係第一次食有幾特別喎 佢個口感同豬膶都差唔多 但係就再濃味啲再細啲至於個豆腐外脆內軟 加埋啲木魚同大蔥味道好豐富👍🏻