影片
更多
2022-12-20
96 瀏覽
📌 Owens - 太子砵蘭街412號地舖🗓(20/12) 星期二 ⏰ 晚上7點左右 💈特式：今日去開太子覓食，上網見到呢間主打波希米亞風格嘅餐廳，我又唔知咩係波希米亞風格，但見到門面/裝修都好靚，所以就去試下，順便見識見識。🥩🍔🌭🌮🥗🥯🥘🍲🍝🍣🥟🍤🍱食物：見到佢地有提供2人set menu可以揀，個價錢幾抵我又唔洗特登諗食咩，而且2人set已經包左有頭盆/2款主菜/甜品，仲要埋是日餐湯或沙律菜/飲品，所以就選擇左2人set，等我同大家講下味道先。餐湯 - 我地其中一個餐湯就選擇加錢升級左做法式蟹肉龍蝦湯，呢個湯有好濃郁龍蝦味，入口好滑溜，仲有食到一絲絲嘅蟹肉，加錢都覺得值得；另一個今日是日餐湯係西蘭花忌廉湯，係清新嘅西蘭花味道，入口好香西蘭花味，亦好滑身。頭盆 - 頭盆可以3選1，我就揀左巴馬火腿哈密瓜沙律，呢個沙律份量都唔細，而且d 巴馬火腿哈密瓜好好食，比起好多酒店buffet提供嘅仲要好食，沙律菜亦好新鮮，配埋意大利黑醋，感覺好清新開胃。主菜(主食) - 主食嘅主菜可以2選1，我就揀左龍蝦汁虎蝦意大利粉，呢個有兩隻大虎蝦，蝦味都鮮同彈牙，意大利粉粉好掛汁，因為佢個龍蝦汁
🗓(20/12) 星期二 ⏰ 晚上7點左右
💈特式：今日去開太子覓食，上網見到呢間主打波希米亞風格嘅餐廳，我又唔知咩係波希米亞風格，但見到門面/裝修都好靚，所以就去試下，順便見識見識。
🥩🍔🌭🌮🥗🥯🥘🍲🍝🍣🥟🍤🍱
食物：見到佢地有提供2人set menu可以揀，個價錢幾抵我又唔洗特登諗食咩，而且2人set已經包左有頭盆/2款主菜/甜品，仲要埋是日餐湯或沙律菜/飲品，所以就選擇左2人set，等我同大家講下味道先。
餐湯 - 我地其中一個餐湯就選擇加錢升級左做法式蟹肉龍蝦湯，呢個湯有好濃郁龍蝦味，入口好滑溜，仲有食到一絲絲嘅蟹肉，加錢都覺得值得；另一個今日是日餐湯係西蘭花忌廉湯，係清新嘅西蘭花味道，入口好香西蘭花味，亦好滑身。
頭盆 - 頭盆可以3選1，我就揀左巴馬火腿哈密瓜沙律，呢個沙律份量都唔細，而且d 巴馬火腿哈密瓜好好食，比起好多酒店buffet提供嘅仲要好食，沙律菜亦好新鮮，配埋意大利黑醋，感覺好清新開胃。
主菜(主食) - 主食嘅主菜可以2選1，我就揀左龍蝦汁虎蝦意大利粉，呢個有兩隻大虎蝦，蝦味都鮮同彈牙，意大利粉粉好掛汁，因為佢個龍蝦汁做到好杰身，食落口都好香濃，同之前個蟹肉龍蝦湯好夾。
主菜(肉食) - 肉食嘅主菜可以3選1，我就揀左5成熟美國安格斯肉眼牛扒，呢個上枱感覺好簡潔，無太多花巧，牛扒size都好大，切開生熟程度都好理想，食落唔會韌亦好有肉味，配菜係一d新薯，比起一般用薯條無咁油膩，多左份清新消滯嘅感覺。
甜品 - 跟餐甜品就係牛角窩夫配雪榚，當然仲可以選擇加錢轉唔同嘅甜品，見到好多人都會轉食自家制蛋榚或者提拉米蘇，但因為我食完上面d野已經好飽，所以就無特別加錢轉。甜品係即時製作，所以需時，不過真係值得等待，因為個牛角窩夫真係好好食，我唔知應該形容佢係似牛角酥嘅窩夫定係似窩夫嘅牛角酥，總之佢就包括晒兩暫嘅優點，有好香嘅牛油味，又酥脆，又有窩夫嘅口感，認真一絕。
☕️🍵🥤🧋🍺🍷🥃🍹🧉🍾🍶🥛
飲品 - 飲品有正常咖啡或茶，仲有香茅生薑蜜同柚子蜂蜜都係set包埋，如果想轉其他特式飲品就會有半價優惠，咖啡質素好唔錯，夠香濃，入口又清又滑，最重要係佢無我最唔鐘意個陣果酸味。
🍽環境：餐廳環境好靚，尤其是門口個3幅拱形大玻璃門/窗，室內裝修亦用上弓些拱形設計，配上純白牆身同木系傢俬，感覺好自然舒服，餐廳面積雖然唔算好大，但坐位都鬆動舒適，而且餐廳位置都好方便，就係正太子地鐵站旁，交通四通八達。
🤵🏻🤵🏻♀️🤵🏻♂️服務：員工服務好好，我由坐低到埋單都全場爆滿，但佢地仍然keep住好有禮貌嘅態度，亦會好詳細介紹/講解menu同菜式，落單後亦會同你覆返一次單以防落漏，提供服務同上菜/收碟速度都快。
💰💸價錢：呢個2人set包咁多野食，計埋加一都唔洗$450，有晒餐湯/餐飲/頭盆/2款主菜/甜品，呢個價錢真係算抵食。
🐲💬總結：我覺得呢度裝修風格好靚，職員態度又好有善，令人感覺好舒服，食物質素又好，又抵食，交通又方便，都好推薦比大家。
推薦指數：❤️❤️❤️❤️❤️
法式蟹肉龍蝦湯/西蘭花忌廉湯
5 瀏覽
0 讚好
0 留言
巴馬火腿哈密瓜沙律
5 瀏覽
0 讚好
0 留言
龍蝦汁虎蝦意大利粉
5 瀏覽
0 讚好
0 留言
美國安格斯肉眼牛扒
5 瀏覽
0 讚好
0 留言
美國安格斯肉眼牛扒
8 瀏覽
0 讚好
0 留言
牛角窩夫配雪榚
7 瀏覽
0 讚好
0 留言
香茅生薑蜜/美式咖啡
5 瀏覽
0 讚好
0 留言
張貼
