影片
更多
2022-11-13
332 瀏覽
📌 Peko Peko Eatery (康怡廣場) - 太古康山道1-2號康怡廣場北座地下G7-G8號舖🗓(13/11) 星期日 ⏰ 晚上6點左右 🌐網址: https://s.openrice.com/QrbS0SgeB00~ueeoDBA 💈特式：今日去開太古康怡，見到呢間Peko Peko Eatery，我知佢另外有兩間分店分別係海之戀同勝利道，之前都有食過勝利道個間，上網睇返見到呢間原來只係開左1個月左右，既然咁啱經開，就梗係食下新舖啦。🥩🍔🌭🌮🥗🥯🥘🍲🍝🍣🥟🍤🍱食物：因為呢間係一間主打日西fusion嘅餐廳，所以我今日除左沙律/小食，都特登叫左一款偏日式同一款偏西式嘅主菜去試試，睇下佢點樣將兩樣野fusion埋一齊，而家等我同大家講下日西味道先。63c YUZU CAESAR ($78) - 呢個係溫泉蛋柚子凱撒醬沙律，呢個沙律嘅菜好新鮮，口味亦好清新，隻溫泉蛋仲有好濃郁嘅蛋香，用西式嘅凱撒沙律配日式嘅溫泉蛋，果然係日西fusion。蟹肉牛油果船($98) - 我本身對牛油果並無十分喜好，但呢個小食令我對牛油果改觀了，佢做得真係好好食，個牛油果好新鮮，之後係上面加
🗓(13/11) 星期日 ⏰ 晚上6點左右
🌐網址: https://s.openrice.com/QrbS0SgeB00~ueeoDBA
💈特式：今日去開太古康怡，見到呢間Peko Peko Eatery，我知佢另外有兩間分店分別係海之戀同勝利道，之前都有食過勝利道個間，上網睇返見到呢間原來只係開左1個月左右，既然咁啱經開，就梗係食下新舖啦。
🥩🍔🌭🌮🥗🥯🥘🍲🍝🍣🥟🍤🍱
食物：因為呢間係一間主打日西fusion嘅餐廳，所以我今日除左沙律/小食，都特登叫左一款偏日式同一款偏西式嘅主菜去試試，睇下佢點樣將兩樣野fusion埋一齊，而家等我同大家講下日西味道先。
63c YUZU CAESAR ($78) - 呢個係溫泉蛋柚子凱撒醬沙律，呢個沙律嘅菜好新鮮，口味亦好清新，隻溫泉蛋仲有好濃郁嘅蛋香，用西式嘅凱撒沙律配日式嘅溫泉蛋，果然係日西fusion。
蟹肉牛油果船($98) - 我本身對牛油果並無十分喜好，但呢個小食令我對牛油果改觀了，佢做得真係好好食，個牛油果好新鮮，之後係上面加左大量蟹肉，仲有蟹子擺係面，旁邊仲有一些杏仁片同藜麥粒，又一次表現到佢地嘅日西fusion。
香蒜和牛粒炒飯($158) - 日系主菜就揀左和牛粒炒飯，佢個和牛粒真係好好食，好香牛味同油香十足，我食過咁多嘅和牛炒飯，呢個都入到我頭3甲，不過呢個和牛炒飯入面嘅西式元素就比較少，只有炒飯入面加左菇菌同面頭有加番紅花。
香草芝士焗鮟鱇魚柳($188) - 西系主菜就叫左鮟鱇魚柳，上台見到擺盤都相對西式，但估唔到個醬汁竟然係配以日式偏甜嘅咖哩汁，個鮟鱇魚柳亦都處理得宜，好嫩滑，整體性亦都好夾。
☕️🍵🥤🧋🍺🍷🥃🍹🧉🍾🍶🥛
飲品 - 飲品方面叫左1杯Peko Signature系列嘅Double Chocolate，朱古力味好濃，又唔甜，仲有好香嘅可可香味。
🍽環境：餐廳環境方面我真係覺得係5星級的好，仲有一排特式嘅卡位，裝修得好靚，有細節得嚟又簡潔又舒適，地方又好乾淨，就連光線/溫度都處理得好好。
🤵🏻🤵🏻♀️🤵🏻♂️服務：員工服務態度好好，說話好溫柔，比人彬彬有禮嘅感覺，又會介紹返店內一些特式產品，整體令人感覺好輕鬆舒服，而且上菜/收野/加水嘅速度都好快。
💰💸價錢：係咁舒服嘅環境食餐飯，叫左2個main course，沙律同小食各1及1杯飲品，埋單大約$600，綜合各方面嚟講都屬於合理。
🐲💬總結：呢間餐廳嘅食物/環境/服務都相當唔錯，加上佢新開，亦有好多影相嘅靚位，例如佢d特式卡位，大家經開都可以嚟試下，影下靚相。
推薦指數：❤️❤️❤️❤️❤️
63c YUZU CAESAR
$78
10 瀏覽
0 讚好
0 留言
蟹肉牛油果船
$98
10 瀏覽
0 讚好
0 留言
香蒜和牛粒炒飯
$158
13 瀏覽
0 讚好
0 留言
香草芝士焗鮟鱇魚柳
$188
19 瀏覽
0 讚好
0 留言
Double Chocolate
$42
19 瀏覽
0 讚好
0 留言
張貼
