影片
更多
2023-03-11
289 瀏覽
Rosewood (瑰麗酒店)入面嘅Chaat 係印度文「舔」的意思。餐廳致力為食客展現來自印度不同地區的特色美食。而CHAAT總廚重新演繹了他兒時最愛的印度傳統街頭小食。餐廳附送頭盤:鹹鹹脆脆嘅餅乾配印度沾醬 RAJ KACHORI: 是印度街頭常見的小吃，酥脆的麵餅裡面，混著香料和烤炒過的果仁，配搭紅石榴子。食落少少帶辣同甜甜哋，賣相同打卡好靚，不過我嘛嘛哋。BAKED JACKFRUIT SAMOSA: 我覺得呢個可以算係Chaat 其中一款必點嘅菜，將咖哩餃用一個完全唔同嘅形象呈現俾食客。餡料配搭印度乳酪沾醬，皮脆，食落有乳酪嘅微酸。OLD DELHI BUTTER CHICKEN: 唔食辣嘅朋友可以點呢個餸，記得一定要配NAAN點埋d汁。食落香料味唔重，如果期待重香料味嘅朋友就可以叫d帶辣嘅餸。SALEM FISH CURRY: 咖哩魚。比起BUTTER CHICKEN香辣好多，都係一定要配NAAN點埋d汁。八爪魚焗飯: 冇諗過食印度菜都會有酥皮八爪魚焗飯。八爪魚好淋，一啲都唔韌，配搭爽身嘅印度香米，感覺幾新奇。不過呢個係舊menu先有，希望遲啲會出番啦。TANDOORI C
餐廳附送頭盤:鹹鹹脆脆嘅餅乾配印度沾醬
RAJ KACHORI: 是印度街頭常見的小吃，酥脆的麵餅裡面，混著香料和烤炒過的果仁，配搭紅石榴子。食落少少帶辣同甜甜哋，賣相同打卡好靚，不過我嘛嘛哋。
BAKED JACKFRUIT SAMOSA: 我覺得呢個可以算係Chaat 其中一款必點嘅菜，將咖哩餃用一個完全唔同嘅形象呈現俾食客。餡料配搭印度乳酪沾醬，皮脆，食落有乳酪嘅微酸。
OLD DELHI BUTTER CHICKEN: 唔食辣嘅朋友可以點呢個餸，記得一定要配NAAN點埋d汁。食落香料味唔重，如果期待重香料味嘅朋友就可以叫d帶辣嘅餸。
SALEM FISH CURRY: 咖哩魚。比起BUTTER CHICKEN香辣好多，都係一定要配NAAN點埋d汁。
八爪魚焗飯: 冇諗過食印度菜都會有酥皮八爪魚焗飯。八爪魚好淋，一啲都唔韌，配搭爽身嘅印度香米，感覺幾新奇。不過呢個係舊menu先有，希望遲啲會出番啦。
TANDOORI CHICKEN /BLACK PEPPER CHICKEN TIKKA: 我會講呢個係我食過最畢生難忘嘅雞，同連續兩個月都番嚟食Chaat嘅原因。從來未食過烤雞球係可以香口得嚟仲係juicy，咬落去一口都係雞汁。留意番，佢係表面係無咩汁醬嘅烤雞，但係咬落舊肉度你會覺得係爆汁。新menu嘅PEPPER CHICKEN TIKKA會比原先嘅TANDOORI CHICKEN多左好多黑椒係面，所以都會辣dd
NAAN/BLACK TRUFFLE & CHILLI CHEESE NAAN: 一定要叫嘅原因係用嚟點咖哩汁，如果唔係食落就係普通一舊#naan 無咩特別
PISTACHIO KULFI: 聽到印度甜品都會覺得好甜，真係有啲卻步。但我相信Chaat係有改良到適合香港人口味。呢個係開心果雪糕配米粉。第一次食到甜品有米粉，感覺幾特別。
20 Yr Tawny Port Wine: 直接係客人面前先係木桶抽出嚟嘅甜酒。叫佢嘅原因係想睇表演多啲🤣🤣
COCONUT/MANGO LASSI :食印度菜就係會想飲lassi，個人覺得椰子味好飲過芒果味。
總結: Chaat係一間新派嘅印度菜，食物嘅味道並唔係傳統嘅印度style。如果，你好似我咁，想試吓印度菜，但又唔鍾意重香料味，chaat一定會係你杯茶。
張貼
