影片
更多
2015-03-16
3073 瀏覽
今日約左幾位志同道合嘅朋友出黎影相食野傾吓偈, Espuma係尖沙咀開咗之後都未黎過, 都係嗰句啦, 唔想排隊, 跟住朋友講先知道原來lunch都有得book枱, 哈哈, so good 柑桔檸檬沙冰$42友人點嘅, 試咗一啖, 酸甜醒胃, 同(day)道出嘅柑桔檸檬差唔多, 但友人就覺得甜得濟! 怕甜嘅朋友可以嗌少甜黑白芝麻吞拿魚卷$98 (4/5)吞拿魚好厚身, 用黑白芝麻包住, 經低溫慢煎, 令味道更出魚肉更鮮, 簡單咁食已經好香, 亦配有芥末醬Fish & chips $68 (3/5)炸物油溢味唔重, 粉漿加入啤酒, 多咗份甜味, 炸魚大大舊都唔錯, 但粉漿較厚, 食落唔多脆身, 之前食過呢到嘅炸薯條配黑松露醬, 味道獨特令人再三回味, 如果炸魚都有就更加好啦草莓蜜桃沙冰 $42 (4/5)我的巨型沙冰, 試過朋友嘅飲品之後我點咗少甜, 味道真係唔錯, 平時飲品會走甜嘅我都接受到酥點拼盤 (4/5)有檸檬撻, 芒果拿破崙千層酥, 英式鬆餅, 無花果窩夫, 牛油果醬煙三文魚, 西班牙黑毛豬火腿, 鮮雜莓, 有多款鹹甜點, 睇到都豐富, 以下慢慢介紹!-西班牙黑毛豬火腿24個月
柑桔檸檬沙冰$42友人點嘅, 試咗一啖, 酸甜醒胃, 同(day)道出嘅柑桔檸檬差唔多, 但友人就覺得甜得濟! 怕甜嘅朋友可以嗌少甜
黑白芝麻吞拿魚卷$98 (4/5)吞拿魚好厚身, 用黑白芝麻包住, 經低溫慢煎, 令味道更出魚肉更鮮, 簡單咁食已經好香, 亦配有芥末醬
Fish & chips $68 (3/5)炸物油溢味唔重, 粉漿加入啤酒, 多咗份甜味, 炸魚大大舊都唔錯, 但粉漿較厚, 食落唔多脆身, 之前食過呢到嘅炸薯條配黑松露醬, 味道獨特令人再三回味, 如果炸魚都有就更加好啦
草莓蜜桃沙冰 $42 (4/5)我的巨型沙冰, 試過朋友嘅飲品之後我點咗少甜, 味道真係唔錯, 平時飲品會走甜嘅我都接受到
酥點拼盤 (4/5)有檸檬撻, 芒果拿破崙千層酥, 英式鬆餅, 無花果窩夫, 牛油果醬煙三文魚, 西班牙黑毛豬火腿, 鮮雜莓, 有多款鹹甜點, 睇到都豐富, 以下慢慢介紹!
-西班牙黑毛豬火腿24個月的黑毛豬火腿卷著一束火箭菜, 用刀叉處理比較麻煩, 我不假思索, 好豪氣咁攞起將佢一啖放入口, 幾鐘意黑毛豬的油脂香, 配合火箭菜少少苦澀, 味道得到平衡
-牛油果醬煙三文魚將三文魚卷成玫瑰花形, 賣相已經深得女士們嘅歡心, 三文魚油脂分佈平均, 淡淡嘅煙燻香, 好想用塊麵包夾住一齊食
-無花果窩夫狠心一刀切落去個心形窩夫, 驚喜嘅係好脆身, 新鮮無花果少少甜味, 唔會太漏
-檸檬撻檸檬撻酸咪咪, 永遠係我首選, 撻皮仲好脆, 並無因為個餡而變得軟身, 切開時候亦都唔會散晒咁, 唔錯
鮮果班戟串燒, 包飲品$68 新奇嘅賣相幾特別, 好似串燒咁將pancakes雜果串埋, 好吸引, 遊說朋友點一份黎試吓, Pancakes煎成啡色, 蛋味好香, 中間平均搽咗吉士醬, 配合藍莓, 奇異果及香蕉等生果, 單單咁食已經好豐富 哈哈, 唔夠仲可以加忌廉和蜜糖
甜之夢想曲$198 (4.5/5)以下六款用香檳杯裝甜品, 一個大嘅玻璃瓶入面再放甜品杯, 感覺好似一束花咁
咖啡慕斯配Oreo, 抹茶慕斯本朱古力布朗尼, 檸檬菠蘿粒粒, 石榴白朱古力慕絲, 蘋果金寶, 酒香白桃果
-石榴白朱古力慕絲
有一粒金色焦糖榛子放係忌廉面, 味道唔錯, 怕食肥嘅我為咗減低罪惡感, 繞過忌廉, 食石榴白朱古力慕絲 哈哈, 選料裏面粉紅色嘅係台灣番石榴, 好清香
-酒香水蜜桃果店名espuma解作泡沬, 係日光下睇, 透明嘅白酒啫喱氣泡將水蜜桃浮起杯中, 加上幾片玫瑰乾花, 一份浪漫感覺湧現出黎, 酒精味唔會太重, 易入口
-抹茶慕斯朱古力布朗尼綠茶味幾香, 配朱古力濃度高嘅brownie , 整體都唔太甜, 如果做成一層朱古力一層綠茶, 食起上黎可以更享受, 哈哈
推介此餐廳 4/5 呢間店行輕路線, 各款小食甜品都好好平均消費$153, 6個人, 2個頭盤+3個主食+5杯飲品+2個甜品
亦可睇下小妹之前到espuma中環分店的食評
http://www.openrice.com/zh/hongkong/review/%E4%B8%AD%E7%92%B0-espuma/2431414?tc=MYOR&con=rvw
Espuma
星期一至日: 12:00-23:00
尖沙咀厚福街8號H8 2樓
任何時段都可以book枱-> 2739 2080
灣仔店原來4月先開, 另有中環分店
張貼
