影片
更多
2022-09-08
119 瀏覽
星期六同朋友去咗上環嘅「1908bc British Chinese」食晚飯，佢話之前返工同同事食過唔錯。一到步就見到門口有幅好靚嘅孔雀牆畫🦚，湖水藍色調好舒服。餐廳名叫British Chinese，顧名思義即係主打英式中菜🇬🇧🇨🇳，或者講口味係類近喺英國食到嘅中餐。老闆介紹講起因為之前喺英國生活過，所以想透過餐廳將有關味道呈現出來。中式炖湯($80)，🔥炖湯熱辣辣送上，已經贏咗一半。湯品味道清澈，用足料煲，少油無味精，而且散發住菇菌嘅香氣🍄，另外仲有瘦肉同瑤柱等，飲啖湯暖暖胃，帶來滿足感。香酥鴨跟薄餅($200)，香酥鴨類近北京烤鴨，同樣配以薄餅包裹食用🫓。鴨肉撕至幼幼的，鴨皮炸得酥脆，夾埋薄餅、青瓜蔥絲同甜醬一齊食，口感層次豐富。我認為唯一挑剔嘅地方係薄餅皮得六塊，唔夠包囉，哈哈😆。柚子西檸雞($180)，呢度嘅西檸雞別具特色，🍋檸檬柚子汁微微酸，好惹味；醬汁分開另上，唔怕整淋啲雞。🐔雞肉唔係用上一般雞扒，而係選用大啖肉嘅雞胸，再蘸滿芝麻輕煎，故此食落脆卜卜，份外香口。集會脆麵($170)，佢係升級版嘅銀芽肉絲炒麵🥢，脆麵無論就咁食定撈汁食都各有千秋，因為啲麵真係炸得好鬆脆，唔會
星期六同朋友去咗上環嘅「1908bc British Chinese」食晚飯，佢話之前返工同同事食過唔錯。一到步就見到門口有幅好靚嘅孔雀牆畫🦚，湖水藍色調好舒服。
餐廳名叫British Chinese，顧名思義即係主打英式中菜🇬🇧🇨🇳，或者講口味係類近喺英國食到嘅中餐。老闆介紹講起因為之前喺英國生活過，所以想透過餐廳將有關味道呈現出來。
中式炖湯($80)，🔥炖湯熱辣辣送上，已經贏咗一半。湯品味道清澈，用足料煲，少油無味精，而且散發住菇菌嘅香氣🍄，另外仲有瘦肉同瑤柱等，飲啖湯暖暖胃，帶來滿足感。
香酥鴨跟薄餅($200)，香酥鴨類近北京烤鴨，同樣配以薄餅包裹食用🫓。鴨肉撕至幼幼的，鴨皮炸得酥脆，夾埋薄餅、青瓜蔥絲同甜醬一齊食，口感層次豐富。我認為唯一挑剔嘅地方係薄餅皮得六塊，唔夠包囉，哈哈😆。
柚子西檸雞($180)，呢度嘅西檸雞別具特色，🍋檸檬柚子汁微微酸，好惹味；醬汁分開另上，唔怕整淋啲雞。🐔雞肉唔係用上一般雞扒，而係選用大啖肉嘅雞胸，再蘸滿芝麻輕煎，故此食落脆卜卜，份外香口。
集會脆麵($170)，佢係升級版嘅銀芽肉絲炒麵🥢，脆麵無論就咁食定撈汁食都各有千秋，因為啲麵真係炸得好鬆脆，唔會一餅嘢。餸料方面亦唔遜色，包括有鮮蝦🦐、魷魚🦑、雞肉同小白菜等。雖然呢樣係大路菜式，不過整得好食同樣能令人留下深刻印象。
‘KFC’甜酸辣椰菜花($110)，🥦椰菜花嘅調味似足韓國炸雞，醬汁濃稠，甜酸辣三隻味齊晒，好醒神🌶。椰菜花並非白烚咁簡單，而係先拎去炸，形成一層薄脆炸衣，再撈上醬汁煮，烹調處理一啲都唔馬虎。
飲品方面，好可惜呢日Bartender Sickleave，未能一嚐餐廳嘅Cocktail😭，所以求其嗌咗杯橙汁同Ginger Ale。
餐廳環境好Chill，室內裝修具氣派🌟，不規則燈罩有啲似月球。佢同時設有包廂房間同露天座位，如果天氣唔係咁熱，坐室外一定好寫意。
總括嚟講，喺香港食英式中菜嘅體驗幾得意😛，堅係有啲似大學時期喺倫敦China Town食嘅口味。落咗單後同老闆吹水，佢先話焗豬近嚟大受歡迎，一定要試，睇嚟要搵機會再幫襯過。
張貼
