影片
更多
2021-09-22
182 瀏覽
喺隔嚟餐廳食完正餐，過埋嚟Sweet Craft食埋甜品就perfect喇✨今次係第二次到訪，上次朋友食焦糖海鹽味我試咗抺茶味，硬係覺得朋友嗰個好食啲😝為咗驗證一吓係咪隔嚟飯香定真係好食啲，今次同男朋友share一個焦糖海鹽味嘅～店鋪喺黃埔區外圍，外面對住一條大馬路，人流唔多，夜晚望住外面街景都好舒服，而且座位都好乾淨，環境十分滿意⭐️面頭係海鹽奶蓋﹑焦糖爆谷同焦糖脆脆♥️爆谷同脆脆同粉雪冰嘅口感相輔相成，令到成個甜品口感好豐富（焦糖脆脆就咁食都好好味😝）海鹽奶蓋係我鍾意嘅鹹味，整個甜品都係鹹甜鹹甜嘅組合唔會一味得個甜味咁悶👍🏼下面係牛奶味粉雪冰，口感輕盈，奶味充足又唔會過甜，配埋少少掛邊嘅焦糖醬，即使冇晒面頭配料都好夠味👍🏼最底仲有一層，開頭以為係mouse之類，唔太知道係咩，後來上網睇返先知係布甸，不過都係面頭幾層比較出色～下次喺附近食飯都一定會再encore😆
今次係第二次到訪，上次朋友食焦糖海鹽味我試咗抺茶味，硬係覺得朋友嗰個好食啲😝為咗驗證一吓係咪隔嚟飯香定真係好食啲，今次同男朋友share一個焦糖海鹽味嘅～
店鋪喺黃埔區外圍，外面對住一條大馬路，人流唔多，夜晚望住外面街景都好舒服，而且座位都好乾淨，環境十分滿意⭐️
焦糖海鹽粉雪冰
$50
14 瀏覽
0 讚好
0 留言
面頭係海鹽奶蓋﹑焦糖爆谷同焦糖脆脆♥️
爆谷同脆脆同粉雪冰嘅口感相輔相成，令到成個甜品口感好豐富（焦糖脆脆就咁食都好好味😝）
海鹽奶蓋係我鍾意嘅鹹味，整個甜品都係鹹甜鹹甜嘅組合唔會一味得個甜味咁悶👍🏼
下面係牛奶味粉雪冰，口感輕盈，奶味充足又唔會過甜，配埋少少掛邊嘅焦糖醬，即使冇晒面頭配料都好夠味👍🏼
最底仲有一層，開頭以為係mouse之類，唔太知道係咩，後來上網睇返先知係布甸，不過都係面頭幾層比較出色～
下次喺附近食飯都一定會再encore😆
張貼
