影片
更多
2024-03-07
147 瀏覽
喺觀塘真係要識上工廈先搵到平靚整嘅嘢食！📍今次喺成業工業大廈搵到間樓上小店，Main Menu $62起有交易，唔洗加一，自助形式用app落單，自己拎水同餐具，好似MOS burger咁，可以睇自己食量同budget加錢配湯、飲品、甜品等🍽️，豐儉由人！🪟鋪仔細細，裝修好有課室feel，一塊畫咗得意公仔嘅黑板🖼️，感覺幾自在溫馨！🍠紫薯湯 +$6原來紫薯可以做湯！鮮艷嘅紫色，綿密濃郁，仲有絲絲纖維，勁飽肚！🍛日本飛驒牛漢堡滑蛋蓋鐵板拌飯 $89鐵板拌飯上枱仲熱辣辣，啲汁甜甜哋，厚厚嘅飛驒牛漢堡肉汁豐富，連埋滑蛋、爽甜嘅粟米，仲有拉絲芝士，真係極邪惡！🧇大啡菇。牛油果。可麗餅 $65 +帕爾馬火腿 +$25睇少咗可麗餅嘅份量，所以加多咗塊帕爾馬火腿，有成隻碟咗大，仲要夾咗芝士同蛋，就咁食都已經好豐富，連埋牛油果同大啡菇就更清新！🍰紐約芝士切餅配雪糕球 +$30芝士切餅就幾滑身，好濃芝士味，$30有埋雪糕幾抵食！🍵熱朱古力 +榛子 +焦糖 +$8最正係飲品可以免費加自己想要嘅配料，有榛子、薄荷、肉桂、曲奇碎等揀，仲要有埋拉花，誠意十足！☕熱玫瑰Latte +薄荷 +曲奇碎 +$8Latte有
🍠紫薯湯 +$6
原來紫薯可以做湯！鮮艷嘅紫色，綿密濃郁，仲有絲絲纖維，勁飽肚！
🍛日本飛驒牛漢堡滑蛋蓋鐵板拌飯 $89
鐵板拌飯上枱仲熱辣辣，啲汁甜甜哋，厚厚嘅飛驒牛漢堡肉汁豐富，連埋滑蛋、爽甜嘅粟米，仲有拉絲芝士，真係極邪惡！
🧇大啡菇。牛油果。可麗餅 $65 +帕爾馬火腿 +$25
睇少咗可麗餅嘅份量，所以加多咗塊帕爾馬火腿，有成隻碟咗大，仲要夾咗芝士同蛋，就咁食都已經好豐富，連埋牛油果同大啡菇就更清新！
🍰紐約芝士切餅配雪糕球 +$30
芝士切餅就幾滑身，好濃芝士味，$30有埋雪糕幾抵食！
🍵熱朱古力 +榛子 +焦糖 +$8
最正係飲品可以免費加自己想要嘅配料，有榛子、薄荷、肉桂、曲奇碎等揀，仲要有埋拉花，誠意十足！
☕熱玫瑰Latte +薄荷 +曲奇碎 +$8
Latte有拉花又有玫瑰花瓣，本來好靚嘅！🤣哈哈～下次我唔敢加曲奇碎了，搞到個拉花崩壞咗！！！
張貼
