低調高手大街小食

營業中

休息中

不嬲都聽喺東區住嘅朋友講低調高手嘅雞蛋仔好好食，於是難得經過呢一頭就去咗買，佢有幾隻味道，而我覺得最特別嘅就係鹹蛋黃，但係我自己都係偏愛甜嘅雞蛋仔，所以就揀咗呢一款：朱古力雞蛋仔。聽講平時都幾多人排隊等，難得今日唔係好使等，覺得自己真係好幸運。拎住喺條街食嘅時候，我就打開佢個袋，盡量令到佢「呼吸」一下，如果唔係好快就變淋，咁就一啲都唔好食。咬落去嘅時候，啲朱古力粒溶咗，所以雞蛋仔變咗做流心，成件事真係勁邪惡，但係好正！如果俾我揀多次我都係會揀朱古力味。