影片
更多
2021-09-30
5811 瀏覽
好味指數😋😋😋回頭指數 ⭐️⭐️⭐️⭐️開心指數🤗🤗🤗🤗好多人都鍾意養寵物，我就鍾意玩人哋嘅多過養啦，皆因我連自己都養唔掂😂之前都有去過貓 cafe，通常店內有幾隻貓咁！今次揀咗呢間貓貓 cafe試下先！呢間店有限時90分鐘，入去之前要用藍色膠套封好對鞋！由於木地板嘅關係，其實都幾跣嘅，真係要好小心行！一入到去，真係勁多貓呀🤩 檯面，地上，真係數唔到有幾多隻！好開心呀！店員帶我哋入座，我張櫈下面有一隻，我哋張檯都有一隻坐響檯面！最攪笑係… 隻貓坐住咗個 menu！🤣叫咗一個二人餐（$328）🍴餐湯 + 沙律個餐湯係蘑菇湯，都幾 creamy 同滑，蘑菇味濃郁，幾好味！沙律就普通一D，正常發揮！🍴滋味二人小食拼盤（+$28）有紐西蘭魚寶、爆谷雞塊、脆薯，份量都okay，明顯係雪藏食品再炸返，整體炸得唔係十分香脆，味道都係一般，尤其係紐西蘭魚寶，唔太食得出有任何魚味，好幼好細條！🍴挪威煙三文魚溫泉蛋黃金卡邦尼扁意粉呢個意粉好好味！溫泉蛋整得啱啱好，一下切開見到蛋汁流出嚟係好治癒，扁意粉煮到 al dente，醬汁濃厚又夠多，可以包到每一條意粉，正！🍴西班牙燒烤醬烤大豬肋骨有三大條豬肋骨，都幾大份！
回頭指數 ⭐️⭐️⭐️⭐️
開心指數🤗🤗🤗🤗
好多人都鍾意養寵物，我就鍾意玩人哋嘅多過養啦，皆因我連自己都養唔掂😂
之前都有去過貓 cafe，通常店內有幾隻貓咁！今次揀咗呢間貓貓 cafe試下先！
呢間店有限時90分鐘，入去之前要用藍色膠套封好對鞋！由於木地板嘅關係，其實都幾跣嘅，真係要好小心行！
一入到去，真係勁多貓呀🤩 檯面，地上，真係數唔到有幾多隻！好開心呀！店員帶我哋入座，我張櫈下面有一隻，我哋張檯都有一隻坐響檯面！最攪笑係… 隻貓坐住咗個 menu！🤣
叫咗一個二人餐（$328）
🍴餐湯 + 沙律
個餐湯係蘑菇湯，都幾 creamy 同滑，蘑菇味濃郁，幾好味！沙律就普通一D，正常發揮！
餐湯 + 沙律
45 瀏覽
0 讚好
0 留言
🍴滋味二人小食拼盤（+$28）
有紐西蘭魚寶、爆谷雞塊、脆薯，份量都okay，明顯係雪藏食品再炸返，整體炸得唔係十分香脆，味道都係一般，尤其係紐西蘭魚寶，唔太食得出有任何魚味，好幼好細條！
滋味二人小食拼盤
60 瀏覽
0 讚好
0 留言
🍴挪威煙三文魚溫泉蛋黃金卡邦尼扁意粉
呢個意粉好好味！溫泉蛋整得啱啱好，一下切開見到蛋汁流出嚟係好治癒，扁意粉煮到 al dente，醬汁濃厚又夠多，可以包到每一條意粉，正！
挪威煙三文魚溫泉蛋黃金卡邦尼扁意粉
95 瀏覽
0 讚好
0 留言
🍴西班牙燒烤醬烤大豬肋骨
有三大條豬肋骨，都幾大份！不過都係失望嘅係… 醬汁味只限於表面，個汁係好味又惹味嘅，但入面係完全冇味，仲要比較硬，唔太易咬開！No good！
西班牙燒烤醬烤大豬肋骨
73 瀏覽
0 讚好
0 留言
🍴400次玫瑰咖啡（+$20）
咖啡外表非常吸精，層次好清楚好靚，因為落咗玫瑰糖漿，算係比較甜嘅，撈埋濃郁咖啡就啱啱好！咖啡落得都幾重手嘅，如果唔太飲得咁濃味咖啡嘅朋友，可以揀朱古力或者抹茶～
400次玫瑰咖啡
43 瀏覽
3 讚好
0 留言
🍴自家製香滑奶凍 - 朱古力味（+$18）
奶凍都唔錯，朱古力味夠濃，都幾滑口，有少少硬身，如果可以做得再輕身一D就會更加滑啦！
自家製香滑奶凍 - 朱古力味
108 瀏覽
0 讚好
0 留言
其實90分鐘用餐時間係有D 趕，因為要食嘢又想影貓貓相！成餐飯顯得好忙碌！
另外可以向店員購買貓零食或罐頭餵貓，跟住就會有勁多貓過嚟，就會有成檯成櫈同地下都 full of 貓嘅奇景！
其實仲有好多貓貓走嚟走去，同埋響檯面㗎😍
呢度係唔會提供碟去 share 食物，還好有湯碗可以用，食豬肋骨就會有D 麻煩！下次再嚟可能揀 pizza 會易handle D！
我覺得店員都係久經訓練，其實店內有細路忘我咁跑嚟跑去，因為對鞋包住膠套又跣，所以不斷有細路跣嚟跣去，而店員攞住一盤盤食物行嚟行去，成餐飯都冇聽到任何跌嘢聲音，真心佩服！
最後離開時響門外除鞋套，見到有成座山咁高，其實都有少少唔環保，不過… 都可以理解嘅！
想玩貓嘅朋友，真係要嚟試下！😻
張貼
