影片
更多
2012-04-05
504 瀏覽
今晚有人提議想打邊爐, 本來想去平時食開任食嘅地方, 但因為今時今日百厭仔已經快高長大, 啱啱一米多啲, 任食嘅百厭仔都要收錢, 但佢食得又唔多, 變相唔係好抵. 所以寧願幫襯逐碟叫嘅. 當然事前先上OPENRICE SEARCH一下啦, 搵到呢間只有笑評無喊評嘅飯店, 梗係要試啦.一行三大一細 (兩個大胃男人) 去到17:50, 店內已有兩枱食客. 即時有人奉上茶及碗筷, 但禮貌地講明落單就要等同事食完飯先, 望望之前兩枱食客都係咁等. 況且我哋又唔趕時間, 咪睇住電視等. 到18:10, 店員食完飯開始落單. 上湯豬骨湯底 $65.00--一啲都唔欺場, 有兩大件豬骨. 事後老公清晒, 佢顱豬骨非常入味, 正! 手打墨魚丸 $48.00--一碟有十幾粒, 抵! 彈牙鮮味, 正! 手打鯪魚球 $30.00--一樣係十幾粒, 純魚肉無蔥無香茜, 啱晒我. 鮮蝦雲吞 $35.00--OK 鮮滑牛 $30.00--有牛味, 一啲都唔韌, 掂! 生蠔 (時價, 今晚係$88.00)--一碟十零隻, 新鮮! 細手切肥牛 $78.00-- 唔知係牛嘅邊個部份呢? 食落爽口. 好味! 大美國肥牛
一行三大一細 (兩個大胃男人) 去到17:50, 店內已有兩枱食客. 即時有人奉上茶及碗筷, 但禮貌地講明落單就要等同事食完飯先, 望望之前兩枱食客都係咁等. 況且我哋又唔趕時間, 咪睇住電視等. 到18:10, 店員食完飯開始落單.
上湯豬骨湯底 $65.00--一啲都唔欺場, 有兩大件豬骨. 事後老公清晒, 佢顱豬骨非常入味, 正!
手打墨魚丸 $48.00--一碟有十幾粒, 抵! 彈牙鮮味, 正!
手打鯪魚球 $30.00--一樣係十幾粒, 純魚肉無蔥無香茜, 啱晒我.
鮮蝦雲吞 $35.00--OK
鮮滑牛 $30.00--有牛味, 一啲都唔韌, 掂!
生蠔 (時價, 今晚係$88.00)--一碟十零隻, 新鮮!
細手切肥牛 $78.00-- 唔知係牛嘅邊個部份呢? 食落爽口. 好味!
大美國肥牛 $78.00--唔太肥, OK
鯇魚片 $30.00--新鮮, 美中不足嘅係有些少幼骨.
加一罐可樂 $8.00 埋單$490.00. 價錢唔貴, 食材新鮮, 份量又足. 簡直係平靚正, 超抵!
今次無食粉麵都好飽, 超滿足!
題外話/補充資料：
如果唔想坐門口, 建議18:15要到, 因18:30已開始多人, 19:00左右已爆. 到我哋埋單走, 聽到四個大人都要坐埋一邊搭枱. 好在我哋早到, 三大一細霸咗張中枱啫.
(以上食評乃用戶個人意見 , 並不代表OpenRice之觀點。)
張貼
