Yadllie Plate 야들리애플래이트 (兆萬中心)

今日放工黎到旺角又食韓國野，近排真係迷上左韓國菜。每每同朋友出去食飯都會先搵韓國餐廳。蜂蜜芝士粉炸雞($178)一上菜已吸引左我地既目光，炸雞顏色十分好，加上上面的芝士粉，看見都食指大動。確實咬第一口既時候已經感覺到外皮的香同埋脆。但入面既雞肉肉汁仍然十分多。另外還食到濃郁的醬油味。唔會只係外皮有味雞肉無味。雞肉十分鮮嫩。整體配合十分好，是值得再食既一個炸雞。芒果菠蘿特飲(98)食炸雞唔飲啤酒都可以飲下其他特飲一樣咁有風味。芒果菠蘿特飲除了芒果菠蘿既果香十分清新之外，也不會太甜，可以飲得出是新鮮芒果菠蘿調制而成。食一口烤雞再配一杯清涼特飲真係一種享受。另外餐廳十分貼心，杯都是先雪好再拎黎，搗入果汁都可以保持到果汁既溫度。