Burgeroom (Fashion Walk)

營業中

休息中

已經隔了一排了沒有吃手工漢堡了，實在掛念。今日跟同事黎銅鑼灣試burgeroom，黎到排左一陣隊好快就有得入，好彩我地都幾早黎。排隊見到室外有位，氣氛好似唔錯，不過都係坐室內有冷氣。黎到見到menu有個龍蝦漢堡，咁大個人真係未試過，見個價錢都ok，可以一戰！個漢堡上到黎就係覺得好大份抵食，仲要食材十分足料。龍蝦漢堡有成個龍蝦頭連埋上，入面有成隻龍蝦肉！未食就見到龍蝦肉多到跌出黎咁，咬落去啖啖肉，存在感十分高，因為肉好厚身，肉質爽脆鮮甜，龍蝦肉下面仲配左牛油果醬，番茄，夾埋食甜甜酸酸，個感覺係幾新鮮！除左漢堡仲叫左個香辣雞翼同芝士扭扭薯條。雞翼係比較細件，所以香辣味更加入味，外皮用炸粉包起，新鮮炸起熱辣辣超香脆，而且唔會過辣，岩岩好！沙律叫左烤大磨菇沙律，面頭烤大磨菇配上蕃茄肉粒，同酸酸既汁，咬落去超多汁，同好鮮甜！沙律菜配黑醋汁，隻汁我幾鐘意，菜好新鮮，食完胃口大增！好滿足呀，有機會都要去學下整先得，實在太鍾意食手工漢堡了。