悅滿軒

營業中

休息中

餐廳位於饒宗頣文化館入面，較為清幽遠離煩囂，餐廳播住柔和音樂份外舒適，和朋友慢坐傾下計都幾寫意。入住後店員先奉上麵包，熱辣辣岩岩焗起，脆卜卜好香蕃茄味。香煎原條龍脷魚配炒菠菜·檸檬牛油汁 $258龍脷柳魚原條奉上，肉厚肥美少骨，二人分享好滿足，加上龍脷柳魚下面舖滿厚厚菠菜，吸晒檸檬牛油汁，開胃又美味。寶雲酥焗西班牙伊比利亞羊扒配自家製羊肉腸·砵酒汁 $298賣相吸引，羊扒七成熟剛好，羊脂香濃一啲都唔騷，羊肉腸肉質鮮甜多汁，少有食到的口感，配埋砵酒汁非常夾。阿拉斯加焗雪山 $88蛋白打造焗雪山，落酒起火打卡一流，蛋白包住朱古力蛋糕及雲尼拿雪糕，冷熱交融完美配搭。