影片
更多
2024-05-05
58 瀏覽
因為睇到社交媒體網站Foodie 嘅推介，逢星期三有 BBQ Bliss 同 Wine Buffet，所以忍唔住心郁郁去試下。一入去，已經同我地講outdoor因為天雨關係閂咗（但明明一滴雨都無），其實成個 BBQ Dinner 變左 indoor 已經無左個意義。坐低後，張梳化櫈有煙頭辣過嘅窿，見到成個枱面都係廚餘，無清潔過就安排就坐，仲要遞上餐牌，未上菜已經有小小反胃。到點菜嘅時候，有一位 waiter 埋嚟同我哋落單，十問九唔應，落單時好似發緊夢咁。首先，menu 上嘅 Peroni Draught Beer 無，佢唔出聲，直至我哋等左 20 分鐘再追另一個 waiter 佢先同我哋講其實得 Sapporo 啤酒。到上枱時，啤酒無晒泡，大大影響口感。本人叫咗 wine buffet，一坐低叫左杯酒，等咗 20 分鐘先到。本身 "outdoor" 嘅 wine buffet 話會提供多達 20 款 wine，變左 outdoor 竟然得番 5 款都算。Manager 仲要特登逐枱過嚟解釋：今日天雨關係，唔好意思，平時我地 outdoor 嘅 BBQ dinner + wine bu
一入去，已經同我地講outdoor因為天雨關係閂咗（但明明一滴雨都無），其實成個 BBQ Dinner 變左 indoor 已經無左個意義。
坐低後，張梳化櫈有煙頭辣過嘅窿，見到成個枱面都係廚餘，無清潔過就安排就坐，仲要遞上餐牌，未上菜已經有小小反胃。
到點菜嘅時候，有一位 waiter 埋嚟同我哋落單，十問九唔應，落單時好似發緊夢咁。
首先，menu 上嘅 Peroni Draught Beer 無，佢唔出聲，直至我哋等左 20 分鐘再追另一個 waiter 佢先同我哋講其實得 Sapporo 啤酒。到上枱時，啤酒無晒泡，大大影響口感。
本人叫咗 wine buffet，一坐低叫左杯酒，等咗 20 分鐘先到。本身 "outdoor" 嘅 wine buffet 話會提供多達 20 款 wine，變左 outdoor 竟然得番 5 款都算。Manager 仲要特登逐枱過嚟解釋：今日天雨關係，唔好意思，平時我地 outdoor 嘅 BBQ dinner + wine buffet 好精彩㗎，有好多野食好多 wine 飲。到我問佢點解今日得番 2 款紅酒呀咁？佢就同我講其實變左 indoor 得番兩款都好 make sense。我心諗：其實成件事真係好唔 make sense。不過我都費事同佢嘈，我只想食完快啲離開呢個地方。到埋單嘅時候，我哋用 Apple Pay 付款，但 Manager 竟然好唔 appropriate 地咁開左一個好大嘅玩笑，係電子支付部機入左銀碼 HK$1,157,200，跟住再問我哋銀碼啱唔啱，呢啲咁嘅玩笑，我唔識欣賞，亦唔希望餐廳仲咁樣玩法，真係不知所謂！
總括嚟講，食物質素一般，尚可接受，但其餘嘅配套、員工培訓的確要再改善。
張貼
