Burgeroom (Fashion Walk)

營業中

休息中

呢晚喺銅鑼灣食咗呢間幾高質素嘅漢堡包店 除咗牛肉漢堡出色之外 魚柳都令人好有驚喜☺️餐廳係半自助形式 水同醬汁係可以自己行去自助吧拎 而落單都係用手機點餐 不過店員依然係會送餐嘅😉煙肉芝士牛肉漢堡呢個包嘅餡有牛肉漢堡扒 煙肉 車打芝士 番茄同生菜 係好經典嘅漢堡包組合🍔 牛肉漢堡好多肉汁 唔會係好鬆散嗰種 香脆鱈魚柳蛋漢堡呢個有鱈魚柳 炒蛋 車打芝士 番茄同生菜 配有他他醬 鱈魚柳非常有驚喜🐟 魚柳夠厚身之餘 仲一啲雪藏味都冇 但係又唔係落咗好多調味料去辟味嗰種 食得到魚肉嘅質感同味道 鍾意食炸魚柳嘅朋友一定要試呢個😛芝士旋風薯條薯條好香脆 幼身嘅卷卷薯條本身嘅調味已經好足夠 加埋面頭嘅芝士醬真係夠晒邪惡🍟零系可樂食美式漢堡包店冇可能唔叫返罐可樂啦🥤值得一提 店家會主動將漢堡包切半 令我地食起上嚟一啲都唔狼狽 咁貼心嘅做法真係令呢間漢堡包店加好多分呀😆