影片
更多
2018-07-02
113 瀏覽
平時係觀塘都係係apm食野，又貴又唔係特別好食，今次就去左海旁附近搵食肆，見LM Cafe既野食幾吸引，就試試佢！入到去見到間餐廳都唔細，坐得都幾舒服 環境都有好好佈置，係屬於高檔少少既茶餐廳～野食選擇都幾多，唔止依三頁架！最正就係有埋甜品可以嗌，一班朋友食完番唔洗再諗轉場去邊度係甜品今次我兩個人去食，因為係好耐冇見既朋友，所以都嗌得豪啲食好啲：）第一個餐叫左鐵板餐，黑椒牛扒炸蝦配薯菜同黑椒汁（＄80）依個餐包一碗餐湯，係羅宋湯，好足料！一個女人仔我就勸你唔好咁快飲晒碗湯，因為好易就會飽左食唔落其他野。。。大家可以見到依份鐵板燒有幾足料！牛扒有2塊，炸蝦有成4條，薯條有一大堆，＄80好抵！一上菜熱辣辣好新鮮，加啲濃稠既黑椒汁好惹味牛扒2塊係一樣size，食落去有咬口，唔似落左鬆肉粉，不過就薄左少少，似係牛肉塊多過牛扒，如果食西冷應該會好啲～但其實對我黎個炸蝦先係重點！新鮮炸起既蝦好好食，炸粉唔會太厚，啖啖蝦肉，正！薯條都係新鮮炸好，唔似普通餐廳一係淋晒一係就翻炸～第二個餐就係牛油帶子意粉（＄72）依個餐都包一碗餐湯，仲包一個沙律～沙律都係沙律菜栗米，冇咩特別～依個意粉既賣相十分討好，可
入到去見到間餐廳都唔細，坐得都幾舒服 環境都有好好佈置，係屬於高檔少少既茶餐廳～
野食選擇都幾多，唔止依三頁架！最正就係有埋甜品可以嗌，一班朋友食完番唔洗再諗轉場去邊度係甜品
今次我兩個人去食，因為係好耐冇見既朋友，所以都嗌得豪啲食好啲：）
第一個餐叫左鐵板餐，黑椒牛扒炸蝦配薯菜同黑椒汁（＄80）
依個餐包一碗餐湯，係羅宋湯，好足料！一個女人仔我就勸你唔好咁快飲晒碗湯，因為好易就會飽左食唔落其他野。。。
黑椒牛扒炸蝦配薯菜同黑椒汁
$80
12 瀏覽
0 讚好
0 留言
一上菜熱辣辣好新鮮，加啲濃稠既黑椒汁好惹味
牛扒2塊係一樣size，食落去有咬口，唔似落左鬆肉粉，不過就薄左少少，似係牛肉塊多過牛扒，如果食西冷應該會好啲～
但其實對我黎個炸蝦先係重點！新鮮炸起既蝦好好食，炸粉唔會太厚，啖啖蝦肉，正！
薯條都係新鮮炸好，唔似普通餐廳一係淋晒一係就翻炸～
第二個餐就係牛油帶子意粉（＄72）
依個餐都包一碗餐湯，仲包一個沙律～
沙律都係沙律菜栗米，冇咩特別～
牛油帶子意粉
$72
20 瀏覽
0 讚好
0 留言
材料簡簡單單，但味道絕不簡單！
帶子煎得剛剛好，微微煎過好香口，冇雪藏味
意粉烚到係al dente，好有蒜香又唔係好油，但有令人一口接一口既味道！
兩個餐都包一杯野飲，我地就加左錢飲凍檸檳同雪糕紅豆冰
值得一提雪糕紅豆冰既紅豆份量都幾多同好甜，好飲！雖然食完咁多野已經好飽，但女人就係心思思想食埋甜品 所以我地就用跟餐價錢加配左甜品～
木糠布甸既Cream幾軟滑，食落口入口即溶
士多啤梨奶凍上面有一大pat士多啤利醬，好甜又充滿士多啤利味～ 奶凍食落都好香奶味，唔錯唔錯～
食左咁多野都只係＄190，每人＄100都唔洗！食飽仲可以行去海旁散下步，如果係大商場食到悶，不仿行多幾步試下啲新野啊
張貼
