影片
更多
2024-05-01
273 瀏覽
喺OpenRice見到沙田「龍門客棧」推出咗上海菜放題，心思思想去試下🤩今晚終於約到朋友仔同我一齊去食✌🏻餐廳裝修富有中國懷舊特色，枱上放有點菜紙任點任食，有點心、涼菜、湯羹、小炒、主食同甜品，每位會贈送冰鎮鮮鮑魚一隻同黃埔大頭蝦半隻，今晚差不多全場爆滿，唯獨侍應人手嚴重不足😓我地先嗌咗一round點心同涼菜，真心推介呢度嘅小籠包，一定要嗌！！即叫即蒸，上枱時熱辣辣，皮夠晒薄但夾起又唔會穿，裏面充滿鮮味嘅湯汁，肉餡嘅份量夠晒足，暫時係我心目中小籠包嘅Number 1️⃣鍋貼同春卷亦都非常好食，鍋貼個底煎到脆卜卜，裏面充滿肉汁，春卷皮薄香脆，餡料飽滿，一啖咬落去溢晒出黎，真係要小心辣親個咀😆涼菜方面個人比較推薦雞絲粉皮，雞絲同青瓜配上香濃嘅麻醬，而粉皮夠滑身，我都encore 咗2次，另一味糖醋小排骨，味道酸酸甜甜，小排骨一啖一粒，肉質軟稔又入味，正宗上海風味👍🏻其他涼菜就普普通通，醉豬手完全唔入味，醉雞上嘅雞毛都未處理乾淨，烤麩口感就好似發水麵包一樣，有待改進😓之後嗌小炒就出事喇，等咗大半個鐘一碟都冇出過，唯有同部長講佢先至幫我追，到最尾嗰20分鐘先開始上菜，推介嘅有回鍋肉同賽螃蟹，味道夠
我地先嗌咗一round點心同涼菜，真心推介呢度嘅小籠包，一定要嗌！！即叫即蒸，上枱時熱辣辣，皮夠晒薄但夾起又唔會穿，裏面充滿鮮味嘅湯汁，肉餡嘅份量夠晒足，暫時係我心目中小籠包嘅Number 1️⃣鍋貼同春卷亦都非常好食，鍋貼個底煎到脆卜卜，裏面充滿肉汁，春卷皮薄香脆，餡料飽滿，一啖咬落去溢晒出黎，真係要小心辣親個咀😆
涼菜方面個人比較推薦雞絲粉皮，雞絲同青瓜配上香濃嘅麻醬，而粉皮夠滑身，我都encore 咗2次，另一味糖醋小排骨，味道酸酸甜甜，小排骨一啖一粒，肉質軟稔又入味，正宗上海風味👍🏻其他涼菜就普普通通，醉豬手完全唔入味，醉雞上嘅雞毛都未處理乾淨，烤麩口感就好似發水麵包一樣，有待改進😓
之後嗌小炒就出事喇，等咗大半個鐘一碟都冇出過，唯有同部長講佢先至幫我追，到最尾嗰20分鐘先開始上菜，推介嘅有回鍋肉同賽螃蟹，味道夠晒正宗，回鍋肉醬汁味道香濃，豬腩肉肥瘦相間，送飯食一流👍🏻
最後我哋再試咗幾款主食，有上海粗炒、上海佬炒飯同黃金蝦粒菜粒湯飯，粗炒普通通，上海老炒飯炒得夠乾身，米飯粒粒分明，湯飯係用鹹蛋黃做嘅湯底，裏面加入爽口嘅蝦粒同菜粒，口感非常豐富，部份主食做得不錯
📍龍門客棧 (麗豪酒店) (沙田)
沙田大涌橋路34-36號麗豪酒店1樓
人均消費：$250-300
食物：⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️
回頭率：⭐️⭐️⭐️⭐️
張貼
