影片
更多
2021-12-22
492 瀏覽
原來上次幫襯Honbo已經係年幾之前啦，食過灣仔同中環分店，今日見尖沙咀海港城開左間分店，就試試先。平日6:30前到都要等位，足足等左九個字先有位。之後好快就有條人龍。原來因為入面得6張枱，又唔會趕客，唔怪得。餐牌似乎同之前一樣，漢堡有9款揀，主要係牛肉漢堡，都有雞肉同素菜漢堡。另外有小食，漢堡加配配料，同飲品。餐牌簡單，全部散叫，冇套餐。今晚一行二人，我同同行友人每人叫左一個漢堡，小食同飲品。The Gold Standard Double 4oz beef patty, Double cheese, Bacon, Pickles, Onion, Lettuce, House Sauce $178 另加一仲記得之前試過呢款The Gold Standard，絕對係一試難忘。The Gold Standard漢堡超大個，用張紙夾好，方便用手食，仲有一支長竹簽固定好。麵包鬆軟，下面痴住幾片青瓜片同洋蔥絲，見到有自家製醬汁。之後到香脆煙肉兩塊，下面就係兩塊重4安士嘅漢堡扒同兩片芝士，最下底就係幾片大片生菜。呢個漢堡嘅size令我放棄用手食，我只好用叉分層食。漢堡扒雖然散開，不過塊皮好脆，連
餐牌似乎同之前一樣，漢堡有9款揀，主要係牛肉漢堡，都有雞肉同素菜漢堡。另外有小食，漢堡加配配料，同飲品。餐牌簡單，全部散叫，冇套餐。
今晚一行二人，我同同行友人每人叫左一個漢堡，小食同飲品。
The Gold Standard
Double 4oz beef patty, Double cheese, Bacon, Pickles, Onion, Lettuce, House Sauce $178 另加一
仲記得之前試過呢款The Gold Standard，絕對係一試難忘。The Gold Standard漢堡超大個，用張紙夾好，方便用手食，仲有一支長竹簽固定好。麵包鬆軟，下面痴住幾片青瓜片同洋蔥絲，見到有自家製醬汁。之後到香脆煙肉兩塊，下面就係兩塊重4安士嘅漢堡扒同兩片芝士，最下底就係幾片大片生菜。呢個漢堡嘅size令我放棄用手食，我只好用叉分層食。漢堡扒雖然散開，不過塊皮好脆，連埋香脆煙肉，極度香口。漢堡扒仲有肉汁，唔覺太乾。因為牛肉多，所以較鹹，有啲蔬菜平衡返都好。
Honbo 2.0
4 x 2oz beef patty, Triple cheese, Pickles, Onion, House Sauce $168 另加一
呢個Honbo 2.0 真係非常邪惡，麵包下面足有4塊漢堡扒同3塊芝士，雖然肉眼唔係好分得清，但係見到超多漢堡牛肉同熱熔芝士真係令人興奮。下底有洋蔥絲同青瓜，加上自家製醬汁，呢個漢堡相對更濕潤，而且肉汁更多，而熱熔芝士更好食。呢款漢堡嘅漢堡扒就冇咁脆口，相對冇咁鹹香。
Buffalo Wings $78 另加一
Buffalo Wings一客兩隻半雞翼一開二，加左辣油同藍芝士，再灑上蔥花。Buffalo Wings皮脆肉嫩，細細件易食，個汁醒胃。
Cheese Fries $58 另加一
Cheese Fries用隻碗上，幼身薯條上面加左好多熱熔芝士醬，鹹香四溢。枱上面有茄汁同黃色芥末醬俾你自己倒，沾啲茄汁食甜甜哋仲好味。
Mike's Lemonade $38 另加一
叫左兩杯檸水，當然唔係茶餐廳質素，而係非常酸嘅青檸水，仲加左5片青瓜同薄荷葉，味道非常醒胃。
食哂所有野真係超飽，食完先減肥。
張貼
