影片
以上資料只供參考, 請與餐廳確認詳情
今次我哋喺澳門🇲🇴荷蘭園搵到一間好有日本京都風情🏯嘅烘焙店。舖頭嘅logo🪭，同埋水泥深色系嘅裝修🎏都好有feel，鍾意流心戚風蛋糕😍嘅朋友唔好錯過！可以IG或者WeChat同舖頭預訂☎️，去澳門旅行嘅話🛳️，舖頭直接送貨去酒店都得🏨。呢度仲有達摩朱古力配凍餅㖭💕，可以揀玫瑰味💐，或者白色夾餡款🤍，好得意、好精緻🤩。.💚流心開心果戚風蛋糕4吋($138)戚風蛋糕嘅質地濕潤綿滑👅，口感好好。開心果醬味道香濃🤤，流出嚟嘅感覺超級治癒💦！.☕️流心焙茶戚風裸蛋糕4 吋($88)焙茶味夠香濃😋，蛋糕配埋忌廉同埋焙茶醬味道啱啱好👍🏻，味道香濃，甜度適中🍬，入口感覺好滿足。.🍫流心可可戚風裸蛋糕4吋($98)同樣都係濕潤棉滑嘅蛋糕👅，而且可可醬唔會有黑朱古力嘅苦澀味😍，而係偏向阿華田、熱可可嘅甜香味♨️，好夾甜品嘅感覺。.🍰伯爵茶起司凍餅切件($45)凍餅嘅質地綿滑順口🤤，舖頭自家手調醬食得出伯爵茶香味🫖，同埋芝士嘅濃郁感🫕。餅底嘅牛油香、微鹹味、同埋白朱古力脆底💕口感豐富。.🥮手工清香咸蛋一口酥餅($56)鹹蛋嘅味道好香濃😆，而且食落唔會有粉膩感😙，反而係酥皮香酥嘅感覺。鹹蛋香同酥脆感覺平衡得好好🫦。.🍪特選曲奇禮盒($88)禮盒裏面有鹽之花可可曲奇🌸，同埋特濃伯爵茶唧花曲奇🫖。手工曲奇真係好正😋，而且日系禮盒包裝好有feel🎋，好啱買嚟送禮🎁！
繼續閱讀