如果想食得健康，其實唔係淨係得一啲主打健康或素食嘅餐廳選擇，因為而家有唔少隨處可見、大家平時食開嘅港式餐廳都有供應少鹽少糖嘅菜式！今次搵多三間參與咗少鹽少糖食店計劃嘅港式餐廳介紹畀大家，分店位置遍佈全港，總有一間在你左近，希望大家支持本地飲食文化之餘食得更健康。
蒜蓉西蘭花炒蝦球
蒜蓉西蘭花炒蝦球係平時食中菜常見嘅菜式，好多時都會落比較重嘅調味或打芡汁。呢道菜就只係加入真姬菇、西蘭花及蝦球三種食材，比以往減少三分之二鹽及無添加糖，反而更能突出蝦肉鮮味，而且蝦含豐富蛋白質又低脂，係一款健康食材。
健康五色蔬
呢款健康五色蔬係由雲耳、四季豆、茄子、南瓜片及蓮藕片炒成，軟腍嘅茄子加上爽脆嘅蓮藕片，口感豐富。呢道菜比以往減少三分之一鹽及糖，除了可以突出各種食材嘅原味，色彩繽紛更能引起食慾。
鮮菌腐竹魚湯浸時蔬
唔好以為浸時蔬就一定淡而無味，餐廳用咗自家製雞湯入味，呢啲雞湯以雞骨長時間熬煮而成，只需加入少許食鹽帶出雞湯鮮味，比起用現成雞湯更健康。時蔬富有多種纖維、抗氧化元素、維他命及礦物質等，加埋真姬菇、腐竹、甘筍絲、唐芹及菜心苗等食材，美味又健康。
三款少鹽少糖菜式現已登陸全線百份百餐廳分店。
蒜蓉西蘭花炒魚柳
西蘭花營養豐富，含有蛋白質、磷、鐵、胡蘿蔔素及多種維生素等，以少量蒜蓉及少量鹽炒香，健康同時亦保留西蘭花嘅原本味道。再搭配只用少量油烹煮及含有豐富蛋白質嘅魚柳，魚肉既嫩口又能保持鮮味。最後加入薑、洋蔥、蔥頭、唐芹及紅椒等天然食材，整體味道夠晒豐富！
滑蛋炒蝦仁
滑蛋炒蝦仁係一道家常菜式，蛋含有豐富蛋白質，蝦仁同樣營養豐富，有蛋白質、礦物質及維生素A等成份。蝦仁洗淨後吸乾水份，以少量鹽醃8至10分鐘左右，用少量油炒至兩邊全熟，再混入蔥味十足嘅蛋漿炒至全熟，鮮味十足且肉質鬆軟，蛋都好嫩滑。
拍蒜炒時菜
呢道拍蒜炒時菜比以往落少三分之二鹽及三分之二糖，炒菜心時加少量的糖，可以鎖住菜心嘅葉綠素，炒菜容易出水，出水後可倒去一半水份再加少量鹽炒，咁樣味道就唔會太淡，蒜味仲幾突出。
以上少鹽少糖菜式將於桃園制作粥麵餐廳、桃園小品、木兆小品各分店登場。
凱撒沙拉
沙律看似健康，但坊間其實唔少沙律醬汁都多油及偏重口味。而餐廳嘅沙律無額外加入鹽同糖，更加比以往用少咗四分之一份量嘅醬汁，只是加入其他食材如煙肉碎、洋葱絲、麵包粒、芝士粉及黑椒碎等令味道更豐富。如希望食得更健康，可以要求走醬及走煙肉碎，或者醬汁另上，感受食材的清新滋味。
香草野菌忌廉天使麵
素食者都食得嘅意粉料理，食材包括蒜蓉、洋葱碎、野菌、九層㙮、芫茜、毛豆、忌廉、奶及天使麵。以少量嘅鹽及糖配上多種野菌及香草一同烹煮，味道清新而且香氣十足。野菌富含多種維生素及優質蛋白成分，非常適合現代都市人食用。
烤大啡菇野菌忌廉意大利飯
大啡菇含有豐富的維他命D、纖維、鉀質同硒等成分，以少量鹽及糖再配上多種野菌同煮，相比起平時食開嘅意大利飯更輕盈，而且醬汁吸收晒大啡菇味道，整道菜都菇味香濃！另外加入洋葱碎、翠肉瓜粒及紅腰豆令口感更有層次。
現已可於荃灣、北角及將軍澳Itamama分店率先享用少鹽少糖菜式，其他分店菜單亦將陸續更新。
* 資料由客戶提供