喺香港密切留意緊港澳米芝蓮嘅時候，其實亞洲另一邊首爾亦同樣期待緊！皆因米芝蓮繼日本（東京，京都及大阪）、香港及澳門，同新加坡之後，南韓嘅首爾今年成為亞洲第四個推出米芝蓮指南嘅城市！同香港澳門一樣，大會先公佈咗車胎人美食推介（Bib Gourmand）嘅名單，即係用韓圜₩35,000就嘆到三道菜嘅平民優質餐廳。呢份第一張成績單上面有成33間餐廳，每日去一間嘅話一個月都唔夠用，何況係去旅行嘅各位香港人呢？所以開飯仔幫大家揀咗以下幾間精選！
 

承傳75年嘅傳統風味　　開城餃子 宮（개성만두 궁）

Kim, Hee Soo（@supreme_kim_）張貼的相片 於 2016 年 10月 月 16 12:43上午 PDT 張貼

呢間店從韓屋裝修就睇得出係賣傳統韓國菜，主打嘅餃子經過75年已經係傳到第四代，唔少人嚟都會一試佢地嘅餃子湯，餃子皮薄餡靚，簡單而窩心。遲啲天氣再凍啲仲可以食餃子火鍋，湯底清甜得嚟又有青陽辣椒嘅辣勁，夠暖胃。
地址：인사동 · 서울특별시 종로구 관훈동 30-11
 

跟住三胞胎食排骨　　北莫谷（북막골）

SeongYeon Cho（@cho_sam_e）張貼的相片 於 2016 年 10月 月 27 10:48下午 PDT 張貼

有睇韓國綜藝《超人回來了》嘅話可能會對呢間店有印象，因為佢就係可愛三胞胎大韓、民國同萬歲都去食過嘅排骨店！其實佢地嘅招牌菜係大蒜菜包肉，大蒜惹味過癮之餘仲有菜平衡一下五花肉嘅油膩。不過如果你係食肉獸，就可以同三胞胎一樣嗌一份王排骨！大大塊排骨用蒜簡單帶出肉味，排骨下面嘅蔬菜都唔好錯過呀。
地址：삼청동 · 서울특별시 종로구 삼청동 30-2
 

半世紀海鮮刀削麵　　燦陽家（찬양집）

DCT 믿고 먹는 맛집만 기록（@ahnlab）張貼的相片 於 2016 年 10月 月 25 4:38上午 PDT 張貼

唔好睇呢間老字號舖仔細細咁，其實已經有50年歷史，家庭式經營連泡菜都係自己任夾。招牌海鮮刀削麵湯底非常鮮甜，花蛤唔算非常多但肉質結實，麵條亦有嚼勁。人多嘅話仲可以試埋佢地嘅蒸餃子。雖然無乜名貴食材，但就係正宗平民嘅Comfort Food。
地址：종로 · 서울특별시 종로구 돈의동 27
 

人氣排隊名店　　滿足五香豬腳（만족 오향 족발）

이미진 / Mijin Lee / 그래픽디자이너（@carissa__lee__）張貼的相片 於 2016 年 10月 月 31 6:22上午 PDT 張貼

喺韓國菜中除咗燒肉同炸雞之外，食肉獸們最愛嘅仲有豬腳！呢間就以店家特製嘅蒜醬聞名，店家傳到第三代每日放工時間都依然大排長龍。招牌五香豬腳有油光但食落豬皮肥而不膩，豬肉柔嫩可口，啱哂送韓國燒酒。而且點豬腳嘅話仲會有附送嘅前菜年糕餃子湯，分量絕對唔細，各位為食友記得量力而為唔好做大嘥鬼唷。
地址：시청 · 서울특별시 중구 태평로2가 318-1
 

平實古早味平壤冷麵　　정인면옥

선별적 박애주의자 - 얄팍하고 잡다한 취향의 합체（@bonjour.bkim）張貼的相片 於 2016 年 10月 月 29 8:50下午 PDT 張貼

韓國嘅冷麵主要分兩種，一種係加上辣椒醬同肉口味比較種嘅咸興冷麵，另一種係比較清淡嘅水冷麵平壤冷麵。呢間屬於後者，清澈湯底酸爽帶涼，麵條亦相當有咬口。唔好以為冬天唔啱食冷麵，相反韓國人係以熱制熱以冷制冷嘅，夏天食人參雞而冬天就會食冷麵！符唔符合養生就見仁見智啦。
地址：여의도 · 서울특별시 영등포구 여의도동 13-1 1층
 

韓國人最愛生牛肉　　부촌육회

HJ CHA（@chahyeonju）張貼的相片 於 2016 年 10月 月 16 5:05上午 PDT 張貼

呢間店位於東大門廣藏市場（無錯，就係韓國綜藝《Running Man》都曾經去拍攝過嘅市場），不過食嘅唔係遊客最鐘意食嘅綠豆煎餅或者紫菜包飯，而係喺韓國人心中同樣出名嘅生牛肉！傳統韓式生牛肉會切成一條條，可以撈生蛋黃、梨絲，甚至係生章魚一齊食。雖然未必人人都接受得到，但如果想食到韓式牛肉真味就可以一試。
地址：광장시장 · 서울특별시 종로구 종로4가 165-11
 

完整2017年首爾米芝蓮車胎人美食推介名單

開飯編輯推介：

1. 【專訪】冬甩店美食車舖面 加國回流女生：香港冇吖嘛

2. 9月份好評餐廳十強

3. 秋冬天，番薯天 5大蕃薯味零食大比拼

熱門文章推介：

1. 一齊滾起佢！季選任食火鍋

2. 邂逅蟹王 10月就是要任食大閘蟹 5個大閘蟹搵食點

3. 九龍東小葵廣！藍田掃街攻略

隨時接收最新資訊
讚好OpenRice專頁！