打工仔平時返工已經夠攰，食飯唔食好啲又點得呢～嚟到十一月中，今期OpenRice外賣自取服務同五間餐廳推出專為打工仔而設嘅優惠，包括京菜館、連鎖Pizza專門店、羅宋湯專門店、人氣燒味店及韓式吐司專門店，最平指定食品半價！優惠仲未完㗎，今次仲推出埋打工仔放飯攻略優惠，用OpenRice外賣自取於指定餐廳消費滿$50，輸入優惠碼「WORK」#，即減$10！另外以BoC Pay付款@，OpenRice外賣自取消費滿$8.1減$8！

另外仲有食勻18區優惠，用OpenRice外賣自取於指定餐廳消費滿$45，輸入優惠碼「EAT15」$，即減$15！仲有Mastercard 「星期三及星期五驚喜優惠」^，消費滿$80即減$20，抵上加抵！

古琴雅苑(全線分店) 指定食品低至半價

呢間京川菜館主打北京填鴨及多款京滬小菜，而家三款小菜都做緊外賣自取半價優惠，包括涼瓜燜鴨架、竹園油炆荀及醬爆鴨架，款款都好惹味，好似竹園油炆荀半價後只係$35，用埋優惠碼減$10只係$25就食到。另外個個都鍾意食嘅北京填鴨都做緊8折優惠，選用上乘北京填鴨，以傳統掛爐烤製，皮脆肉嫩嘅烤鴨配上清新嘅青瓜、京蔥及哈蜜瓜、秘製蜂蜜黃梅醬同京醬，解除油膩感之餘口感層次更豐富。

The Point - Pizza & Pasta & The Point Kitchen(全線分店) 指定食品7折

連鎖西餐專門店，供應Pizza、意粉、Risotto及甜品等。而家做緊指定食品7折優惠，必試原隻焗釀龍蝦Pizza，龍蝦新鮮又厚肉，一入口都食到唔少龍蝦肉，仲幾鮮甜～紅酒燴和牛勒肉配蜆殼粉都值得一試，和牛入口軟腍，牛味都幾重，同紅酒汁好夾。另外呢個黑松露野菌意大利飯都有驚喜，飯粒軟硬適中，而且啖啖都係黑松露香氣，鍾意黑松露嘅朋友唔好錯過～

Wheatfield X 羅宋湯專門店(全線分店) 指定食品7折

睇都知呢間餐廳係主打羅宋湯！羅宋湯用30斤牛腩煲約五個鐘，再加番茄、西芹、紅蘿蔔等蔬菜熬製，令湯底濃郁香甜，招牌牛腩羅宋湯螺絲粉配甜餐包而家有外賣自取7折優惠呀，牛腩肉質軟腍，配埋羅宋湯真係一流。另外大胃王可以試牛腩羅宋湯配雞扒飯，想食得清淡啲，都有俄式清雞湯配嫩雞柳絲菠菜麵揀。

文記金豬皇(長沙灣) 指定食品7折

想加餸第一時間諗起咩？唔使問梗係燒味啦！長沙灣呢間燒味都有指定食品7折優惠，獨食嘅可以買個蜜味叉燒飯，折後只係$24.5咋！如果一家人食想加餸，燒腩骨都係唔錯嘅選擇，外皮燒得好香脆，就算外賣返屋企食都一樣咁脆呀，肉都鹹香惹味，鬆化唔油膩。

Toast Luck(銅鑼灣) 指定食品7折

呢間韓式吐司專門店主打十款口味嘅吐司，款款都好足料，而且味道都好有特色。而家雙重芝味薯餅吐司同原味招牌無骨炸雞做緊7折優惠，前者麵包先煎香再塗上秘製蜜糖醬，表面金黃香脆內裡軟熟，餡料有香脆嘅薯餅同大量芝士，邪惡之選。後者炸雞層皮都好香脆，最重要係無骨啖啖肉呀。

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！                 

仲等？按此立即落單

#打工仔放飯攻略優惠：https://bit.ly/3zTkPTy
@BoC Pay付款優惠： https://bit.ly/3CKKS0P
$食勻18區優惠： https://bit.ly/3s6VSks
^Mastercard 「星期三及星期五驚喜優惠」：https://bit.ly/3GShHuS