$28食好嘢優惠唔好畀佢停！今期OpenRice外賣自取服務同五間餐廳合作推出優惠，各間餐廳嘅人氣菜單只係$28就食到，最平優惠低至48折，真係好抵！包括地道港式茶記、人氣冰室、創意魚品料理小店、燒味店及雞湯麵專門店等。另外呢排仲有新優惠碼，用OpenRice外賣自取於指定餐廳消費滿$40，輸入優惠碼「MEAL」*，即減$10！仲有Mastercard 「星期三及星期五驚喜優惠」@，消費滿$80即減$20，抵上加抵！
正所謂早起的鳥兒有蟲吃，當然唔少得早餐精選優惠，凌晨起至早上11點半，用OpenRice外賣自取於指定餐廳消費滿$10，輸入優惠碼「MORN」#，即減$5！用OpenRice外賣自取消費滿$65， 3點前落單輸入優惠碼「TA15L」或 3點後落單輸入優惠碼「TA15D」&，即減$15！
緯驊藝廚 (觀塘) 指定食品低至58折
幾有誠意嘅港式小店，主打米線、客飯、番茄湯系列及特色小食等。今次葱油司華力腸炸豬扒飯(配凍柚子茶)及麻辣豬肚撈米線做緊$28優惠，前者嘅葱油炒煮得好香，惹味得嚟又唔會太鹹，撈飯食一流～麻辣豬肚撈米線，麻辣味道恰到好處，唔會過辣，啱晒唔食得太辣嘅朋友。
華嫂冰室 (尖沙咀/灣仔) 指定食品低至66折 (觀塘) 指定食品68折
呢間人氣冰室相信大家都唔陌生，午飯時間長期都大排長龍，如果唔想排隊，用外賣自取服務就啱，唔使等之餘尖沙咀及灣仔分店仲有三款食品$28就食到！包括香煎豬扒或秘製雞翼米粉/米線/通粉及招牌芝士鹹牛肉蛋豬仔包配凍檸茶，觀塘區嘅朋友都唔使失望，芝士鹹牛肉蛋豬仔包一樣$28就食到！
魚事者 (北角) 指定食品低至65折
香港少有以魚肉為主題嘅餐廳，炮台山最呢間小店以創新手法將魚肉混入多款小食同麵食中，又幾有驚喜。推介越式蒜油香雞翼魚麵撈，撈麵比起湯麵麵質更彈牙，雞翼都嫩滑juicy。炸魚狗腸（日式山葵/和風紫菜）魚味都幾濃厚，配埋山葵或者紫菜食更突出魚嘅鮮味。兩款都只係$28就食到～
燒味飯可謂港人嘅Comfort food，唔知食咩時食佢就啱喇。呢間燒味店新開無耐，至尊三寶飯(咸蛋、紅腸、叉燒)、咸旦腩仔飯及咸旦燻蹄飯都做緊$28優惠，叉燒味道香甜，肥瘦適中仲有燶邊！腩仔外皮都燒得好香脆，肥膏部份食落唔太膩，鍾意燒味嘅朋友要試。
樂湯雞麵館/樂湯雞麵館 x 火鍋 (全線分店) 指定食品低至半價
追求味覺享受之餘，又想養生嘅朋友要留意喇。呢間主打雞湯麵嘅餐廳推出小食優惠，麻辣海參、桃膠雪燕椰子雞湯及XO醬招牌雙寶（龍皇雲吞併紅油花膠魚翅餃）都只係$28，真材實料，真係抵到爛！想養生啲嘅，買碗淨湯返去飲都唔錯，花膠湯、雞湯翅、藥膳湯同桃膠雪燕椰子雞湯一樣$28呀～
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
*$28食好嘢優惠條款及細則: https://bit.ly/2TGDZMx
@Mastercard 「星期三及星期五驚喜優惠」: https://bit.ly/3moqN9w
#早餐精選優惠優惠條款及細則: https://bit.ly/3gcMyY7
&優惠條款及細則: https://bit.ly/3kjRxXH
